Tags : corona

ଭୁବନେଶ୍ୱର : ଚିନ୍ତା ବଢାଇଲା କରୋନା। ଆନ୍ଧ୍ର ପରେ ଓଡିଶାରେ କରୋନା ରୋଗୀ ଚିହ୍ନଟ ହୋଇଛନ୍ତି। ଗଞ୍ଜାମ ଜିଲାରେ ଜଣେ କରୋନା ପଜିଟିଭ ଚିହ୍ନଟ ହୋଇଥିବା ଜଣାପଡ଼ିଛି। ଏମକେସିଜିରେ ଜଣେ ମହିଳା ରୋଗୀ କରୋନା ସଂକ୍ରମିତରେ ଚିକିତ୍ସିତ ହେଉଛନ୍ତି। କିଛି ଦିନ ହେଲା ସେ ଏମକେସିଜିରେ ଚିକିତ୍ସିତ ହେଉଥିଲେ।

ରାଜ୍ୟରେ କୋଭିଡକୁ ନେଇ ସବୁବେଳେ ସତର୍କତା ଜାରି ରହିଥିବା କହିଛି ସ୍ୱାସ୍ଥ୍ୟ ବିଭାଗ । ନିୟମିତ ଭାବେ ସନ୍ଦିଗ୍ଧ ରୋଗୀଙ୍କ କୋଭିଡ ପରୀକ୍ଷା କରାଯାଉଛି । ଆନ୍ଧ୍ରପ୍ରଦେଶରେ ସଂକ୍ରମଣ ବଢ଼ୁଥିବା ପରିସ୍ଥିତିକୁ ଦେଖି ଆନ୍ଧ୍ର ସୀମାନ୍ତରେ ଥିବା ଓଡ଼ିଶାର ଜିଲ୍ଲାଗୁଡ଼ିକର CDMOମାନଙ୍କୁ ସତର୍କ କରାଯାଇଛି । ସେମାନଙ୍କୁ ନିର୍ଦ୍ଦେଶ ଦିଆଯାଇଛି ଯେ, ସନ୍ଦିଗ୍ଧ ରୋଗୀଙ୍କ କୋଭିଡ ପରୀକ୍ଷା ନିଶ୍ଚିତ କରାଯିବ । ଜିଲ୍ଲା ମୁଖ୍ୟାଳୟ ହସ୍ପିଟାଲଗୁଡ଼ିକରେ ପରୀକ୍ଷା ବ୍ୟବସ୍ଥା ସକ୍ରିୟ ରହିଛି ।

ସୂଚନାଯୋଗ୍ୟ, ଆନ୍ଧ୍ରପ୍ରଦେଶରେ ଜୁନ୍ ୨୬ ରୁ ଜୁଲାଇ ୧୬ ମଧ୍ୟରେ ୧୨ ଜଣ କୋଭିଡ୍ -୧୯ରେ ସଂକ୍ରମିତ ହୋଇଥିବା ବେଳେ ୪ ଜଣ ରୋଗୀ ସଂକ୍ରମଣର ଶିକାର ହୋଇ ମୃତ୍ୟୁବରଣ କରିଛନ୍ତି। ତେବେ ଆନ୍ଧ୍ରରେ କରୋନା ବ୍ୟାପିବା ପରେ ଓଡ଼ିଶାରେ ସଂକ୍ରମଣ ନେଇ ଛନକା ପଶିଥିଲା।