Tags : congress

ଭୁବନେଶ୍ୱର: ଅଖିଳ ଭାରତୀୟ ଜାତୀୟ କଂଗ୍ରେସ ପକ୍ଷରୁ ଓଡ଼ିଶାରେ ଆରମ୍ଭ ହୋଇଥିବା ପ୍ରତିଭା ଅନ୍ବେଷଣ କାର୍ଯ୍ୟକ୍ରମ ରେ ଆବେଦନ ପାଇଁ ଶେଷ ତାରିଖ କୁ ଡିସେମ୍ବର 3 ତାରିଖ ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଛି l ପ୍ରତିଭା ଅନ୍ବେଷଣ କାର୍ଯ୍ୟକ୍ରମ ମାଧ୍ୟମରେ ଦଳ ପାଇଁ ଦକ୍ଷ ପ୍ରବକ୍ତା, ଅଧିବକ୍ତା, ଗଣମାଧ୍ୟମ ସଂଯୋଜକ ପାଇଁ ଆବେଦନ ର ଶେଷ ତାରିଖ ନଭେମ୍ବର 30 ତାରିଖ କୁ ପୂର୍ବରୁ ଧାର୍ଯ୍ୟ କରାଯାଇଥିଲା l ଇତି ମଧ୍ୟରେ ଅନେକ ପ୍ରତିଭା ସମ୍ପନ୍ନ ବ୍ୟକ୍ତି ବିଶେଷ ଏଥି ପାଇଁ ଆବେଦନ କରି ସାରିଛସନ୍ତି l ଦରଖାସ୍ତକାରି ଏଥି ପ୍ରତି ଆଗ୍ରହ ଦେଖି ଏବଂ ଅଧିକ ଲୋକଙ୍କୁ ଏଥିରେ ସୁଯୋଗ ଦେବାପାଇଁ ଆବେଦନ ର ଶେଷ ତାରିଖକୁ ଡିସେମ୍ବର 3 ତାରିଖ ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଛି ବୋଲି ପିସିସି ଗଣମାଧ୍ୟମ ବିଭାଗର ଅଧକ୍ଷ ଶ୍ରୀ ଅରବିନ୍ଦ ଦାସ ଏକ ପ୍ରେସ ବିବୃତିରେ ଜଣାଇଛନ୍ତି l
ପ୍ରକାଶ ଥାଉ କି ଜାତୀୟ କଂଗ୍ରେସ ଏହି ପ୍ରତିଭା ଅନ୍ବେଷଣ ଜର୍ଯ୍ୟକ୍ରମ କୁ ଦେଶ ତମାମ ଆରମ୍ଭ କରିଛି l ବିଭିନ୍ନ ରାଜ୍ୟରେ ଏହା ଚାଲୁ ରହିଛି ଏବଂ ଅନେକ ପ୍ରତିଭା ସମ୍ପନ୍ନ ବ୍ୟକ୍ତି ବିଶେଷ ଏଥି ପାଇଁ ଆବେଦନ କରୁଛନ୍ତି l ଏକ ସ୍ୱଚ୍ଛ ପ୍ରକ୍ରିୟା ମାଧ୍ୟମରେ ଦରଖାସ୍ତ କାରି ଙ୍କ ଭିତରୁ ଯୋଗ୍ୟ ପ୍ରାର୍ଥୀ ମାନଙ୍କୁ ଚୟନ କରାଯିବ ଓ ସେମାନେ ଜାତୀୟ ସ୍ତରରେ ଦଳର ପ୍ରବକ୍ତା ଭାବରେ କାର୍ଯ୍ୟ କରିବେ l
ଓଡ଼ିଶାରେ ମଧ୍ୟ ଏହି କାର୍ଯ୍ୟକ୍ରମ ଆରମ୍ଭ ହୋଇଛି ଏବଂ ଇଛୁକ ଆବେଦନ କାରି ଙ୍କ ପାଖରୁ ଦରଖାସ୍ତ ସଂଗ୍ରହ ଚାଲିଛି l ଆସନ୍ତା ଡିସେମ୍ବର 8 ତାରିଖରେ ଜୋନ ସ୍ତରରେ ସେମାନଙ୍କ ପ୍ରଥମ ଚୟନ କରାଯିବ ଏବଂ ଅନ୍ତିମ ଚୟନ ଆସନ୍ତା ଡିସେମ୍ବର 26 ତାରିଖରେ ଭୁବନେଶ୍ୱର ରେ ଅନୁଷ୍ଠିତ ହେବ ବୋଲି ଶ୍ରୀ ଦାସ ଜଣାଇଛନ୍ତି l