Tags : chhatisgarh and mijoram election

ରାୟପୁର: ଛତିଶଗଡରେ ପ୍ରଥମ ପର୍ଯ୍ୟାୟ ଓ ମିଜୋରାମରେ ବିଧାନସଭା ନିର୍ବାଚନ ପାଇଁ ମତଦାନ ଜାରି ରହିଛି | ଛତିଶଗଡ଼ରେ ୯୦ ସଦସ୍ୟ ବିଶିଷ୍ଟ ବିଧାନସଭା ପାଇଁ ପ୍ରଥମ ପର୍ଯ୍ୟାୟରେ ୨୦ଟି ଆସନରେ ମତଦାନ ଜାରି ରହିଛି । ପ୍ରଥମ ପର୍ଯ୍ୟାୟରେ ୪୦ ଲକ୍ଷ ଭୋଟର ୫୩୦୪ ମତଦାନ କେନ୍ଦ୍ରରେ ଭୋଟ୍ ଦେବେ | ଛତିଶଗଡରେ ୨୫ ଜଣ ମହିଳାଙ୍କ ସମେତ ୨୨୩ ଜଣ ପ୍ରାର୍ଥୀ ମୈଦାନରେ ଥିବାବେଳେ ମିଜୋରାମର ସମସ୍ତ ୪୦ଟି ଯାକ ଆସନରେ ‌ମତଦାନ ଆରମ୍ଭ ହୋଇଛି । ଏହାରି ଭିତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭୋଟରଙ୍କୁ ଅପିଲ କରିଛନ୍ତି ଯେ ଆଜି ଛତିଶଗଡରେ ଗଣତନ୍ତ୍ରର ପବିତ୍ର ଉତ୍ସବ । ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟର ସମସ୍ତ ଭୋଟରଙ୍କୁ ମୁଁ ଭୋଟ୍ ଦେବାକୁ ଏବଂ ଏହି ଉତ୍ସବରେ ଅଂଶଗ୍ରହଣ କରିବାକୁ ଅନୁରୋଧ କରୁଛି | 

ଏହି ଅବସରରେ ରାଜ୍ୟର ସମସ୍ତ ଯୁବ ବନ୍ଧୁଙ୍କୁ ମୋର ଅଭିନନ୍ଦନ, ଯେଉଁମାନେ ପ୍ରଥମ ଥର ପାଇଁ ଭୋଟ୍ ଦେଉଛନ୍ତି। ସେହିପରି ଗୃହମନ୍ତ୍ରୀ ଅମିତ ଶାହା ଛତିଶଗଡର ଲୋକଙ୍କୁ ନିବେଦନ କରିଛନ୍ତି ଯେ ଦୁର୍ନୀତି ଶାସନକୁ ସମାପ୍ତ କରିବାକୁ ଅଧିକରୁ ଅଧିକ ସଂଖ୍ୟାରେ ଭୋଟ୍ ଦିଅନ୍ତୁ। ସେହିପରି କଂଗ୍ରେସକୁ ଭୋଟ୍ ଦେବାକୁ ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀ ଭୋଟରଙ୍କୁ ନିବେଦନ କରିଛନ୍ତି । ରାହୁଲ ଅପିଲ କରି କହିଛନ୍ତି ଯେ କଂଗ୍ରେସ ଦଳ ହେଉଛି ସେହି ଦଳ ଯାହା ରାଜ୍ୟବାସୀଙ୍କ ସଂସ୍କୃତି, ଭାଷା ଏବଂ ପରମ୍ପରାର ସୁରକ୍ଷାକୁ ନିଶ୍ଚିତ କରିଥାଏ। ଆମେ ତୁମର ସଂସ୍କୃତି, ଭାଷା ଏବଂ ପରମ୍ପରାକୁ ସୁରକ୍ଷା ଦେବୁ – ଏହା ମୋର ଗ୍ୟାରେଣ୍ଟି |