Tags : CHANGES IN POLICE

ଭୁବନେଶ୍ୱର: କମିଶନରେଟ ପୋଲିସର ACP ଓ  IIC ସ୍ତରରେ ବଡ଼ ଧରଣର ପରିବର୍ତ୍ତନ । ଏକାଥରକେ ବଦଳିଲେ ୩୧ ଅଫିସର। ଶୁଭନାରାୟଣ ମୁଦୁଲି ହେଲେ ଭୁବନେଶ୍ବର ଜୋନ-୫ ଏସିପି। ସିପି ହେଡକ୍ୱାର୍ଟରକୁ ଗଲେ ପରେଶ ଚନ୍ଦ୍ର ରାଉତ। ସେହିଭଳି ACP ଜୋନ-୧ କଟକକୁ ବଦଳି ହେଲେ ଅରୁଣ ସ୍ୱାଇଁ। ଏସିପି ଆୟୁସିଏଡବ୍ଲୁ କଟକ ଗଲେ ଅଭିତାଭ ମହାପାତ୍ର। ସୋସିଆଲ କ୍ରାଇମ ସିପି ହେଡ କ୍ୱାର୍ଟର ଗିରିଜା ଶଙ୍କର ଚକ୍ରବର୍ତ୍ତୀଙ୍କୁ ବଦଳି କରାଯାଇଛି।

ସେହିଭଳି ଭୁବନେଶ୍ବର କ୍ୟାପିଟାଲ ଥାନାର IIC ହୋଇଛନ୍ତି ପଦ୍ମନାଭ ପ୍ରଧାନ । ଖଣ୍ଡଗିରି ଥାନା IIC ହେଲେ ଦୟାନିଧି ନାୟକ । ତୃପ୍ତିରଞ୍ଜନ ନାୟକଙ୍କୁ ବଡ଼ଗଡ଼ ଥାନା IIC ଦାୟିତ୍ବ, ବିଶ୍ୱରଞ୍ଜନ ନାୟକଙ୍କୁ ନନ୍ଦନକାନନ ଥାନା IIC ଦାୟିତ୍ବ ଦିଆଯାଇଥିବା ବେଳେ ସୌମ୍ୟକାନ୍ତ ବଳିଆରସିଂଙ୍କୁ ଜଟଣୀ IIC, ପ୍ରକାଶ ଚନ୍ଦ୍ର ମାଝୀଙ୍କୁ ଚନ୍ଦ୍ରଶେଖରପୁର ଥାନା IIC ଭାବେ ବଦଳି କରାଯାଇଛି । ସେହିଭଳି ରଜନୀକାନ୍ତ ମିଶ୍ରଙ୍କୁ ଖାରବେଳ ନଗର ଥାନା IIC, ବିଜୟ କୁମାର ବାରିକ୍ ଇନଫୋ ଭ୍ୟାଲି ଥାନା IIC, ସୂର୍ୟ୍ୟାଂଶୁ ଶେଖର ପାଢ଼ୀଙ୍କୁ ବାଦାମବାଡ଼ି ଆଇଆଇସି ଭାବେ ନିଯୁକ୍ତ କରାଯାଇଛି ।