Tags : bjd

ଭୁବନେଶ୍ବର: ପୁଣି କମ୍ପିବ ବିଧାନସଭା । ପ୍ରକାଶ ପାଇଲା ଓଡ଼ିଶା ବିଧାନସଭାର ମୌସୁମୀ ଅଧିବେଶନ ବିଜ୍ଞପ୍ତି । ସେପ୍ଟେମ୍ବର ୧୮ରୁ ଆରମ୍ଭ ହେବ ମୌସୁମୀ ଅଧିବେଶନ । ସେପ୍ଟେମ୍ବର ୨୫ ଯାଏଁ ଚାଲିବ ଅଧିବେଶନ । ଚଳିତ ଅଧିବେଶନରେ ୭ଟି କାର୍ୟ୍ୟ ଦିବସ ରହିଛି । ବିଭିନ୍ନ ସମସ୍ୟାକୁ ନେଇ ରାଜ୍ୟ ସରକାରଙ୍କୁ ଘେରିବେ ବିରୋଧୀ, ସେପଟେ ବିରୋଧୀଙ୍କୁ ସାମ୍ନା କରିବା ପାଇଁ ପ୍ରସ୍ତୁତ ସରକାର ।
ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ କହିଛନ୍ତି, "ସରକାର ଦେଢ଼ ବର୍ଷ ମଧ୍ୟରେ ଯେଉଁ କୀର୍ତ୍ତି ଅର୍ଜନ କରିଛନ୍ତି, ତାହା ବିଧାନସଭାରେ ବିଜେଡି ଉଠେଇବ । ଚାଷୀଙ୍କୁ ହଇରାଣ ଓ ହଟ୍ଟହଟ୍ଟା, ମହିଳାଙ୍କୁ ନିର୍ୟ୍ୟାତନା, ଦୁଷ୍କର୍ମ ମାମଲା ବୃଦ୍ଧି, ରାଜ୍ୟରେ ଗୁଣ୍ଡାରାଜ ଚାଲିବା, ମେଟ୍ରୋ ପ୍ରକଳ୍ପ ବନ୍ଦ ପ୍ରମୁଖ ପ୍ରସଙ୍ଗ ହେବ । ବିଜେଡି ସବୁବେଳେ ଲୋକଙ୍କ ସ୍ୱାର୍ଥ ପାଇଁ ଲଢ଼ିଛି । ସ୍ୱର ଉତ୍ତୋଳନ କରିଛି । ସରକାରଙ୍କ ଏହି କାରନାମା ନିଶ୍ଚୟ ଭାବରେ ବିଧାନସଭାରେ ଉଠେଇବୁ ।"