Aug 19, 2026
ମୁଖ୍ୟ ଖବର
ତାମିଲନାଡୁର ପ୍ରତ୍ୟେକ ବିଧାୟକଙ୍କୁ ମିଳିବ କାର୍। ସେଥିରେ ସେମାନେ ନିଜ ନିର୍ବାଚନ ମଣ୍ଡଳୀ ଗସ୍ତ କରି ଲୋକଙ୍କ ସମସ୍ୟାର ସମାଧାନ କରିବାରେ ସହଯୋଗ କରିବେ। ମୁଖ୍ୟମନ୍ତ୍ରୀ ବିଜୟ ଏହି ଘୋଷଣା କରିଛନ୍ତି।ତାମିଲନାଡୁ ବିଧାନସଭାରେ କହିଛନ୍ତି ଯେ ଲୋକଙ୍କ ଆବଶ୍ୟକତାର ବୁଝାସୁଝା କରିବା ପାଇଁ ବିଧାୟକମାନେ ନିଜ ନିର୍ବାଚନ ମଣ୍ଡଳୀକୁ ନିୟମିତ ଗସ୍ତ କରିବା ଆବଶ୍ୟକ। ବିଧାୟକମାନଙ୍କର ନିର୍ବାଚନ ମଣ୍ଡଳୀ ଗସ୍ତରେ ସହାୟତା ପାଇଁ ସରକାର ସମସ୍ତ ବିଧାୟକଙ୍କୁ କାର୍ ଯୋଗାଇ ଦେବେ।ନୂଆ କାର ସହିତ ବିଧାୟକମାନଙ୍କୁ ପ୍ରଦାନ କରାଯାଉଥିବା ସହାୟତା ଅଧୀନରେ, ସେମାନଙ୍କୁ ଡ୍ରାଇଭରଙ୍କ ଦରମା ଏବଂ କାର୍ ସମ୍ବନ୍ଧୀୟ ଖର୍ଚ୍ଚ ପାଇଁ ମାସିକ ୭୫,୦୦୦ ଟଙ୍କା ମଧ୍ୟ ମିଳିବ। ଏହାବ୍ୟତୀତ, ପ୍ରତ୍ୟେକ ବିଧାୟକଙ୍କ କାର୍ଯ୍ୟାଳୟରେ ଜଣେ ସହାୟକ ନିଯୁକ୍ତ କରିବା ପାଇଁ ସରକାର ମାସିକ ୨୫,୦୦୦ ଟଙ୍କା ଯୋଗାଇ ଦେବେ।
ଭିସିକେ ବିଧାୟକ ଜୋତିମଣି କହିଥିଲେ ଯେ ଆବଶ୍ୟକୀୟ ଆନୁଷଙ୍ଗିକ ସହାୟତା ବିନା ବିଧାୟକମାନେ କାମ କରିପାରିବେ ନାହିଁ ଏବଂ ସେମାନଙ୍କ ପାଇଁ କାର୍ ଯୋଗାଇଦେବାକୁ ଅନୁରୋଧ କରିଥିଲେ, ଯାହା ପରେ ଏହି ଘୋଷଣା ଆସିଛି।ଜଣେ ବରିଷ୍ଠ ଡିଏମକେ ବିଧାୟକ କହିଛନ୍ତି ଯେ ଆର୍ଥିକ ସମସ୍ୟା କଥା କହି ପୂର୍ବରୁ ଆସିଥିବା ସରକାରଗୁଡ଼ିକ ବିଧାୟକମାନଙ୍କର ଏହିପରି ଅନୁରୋଧକୁ ଅଣଦେଖା କରିଆସୁଥିଲେ। ମହାନଗର ନିଗମ, ପୌରପାଳିକା ଓ ଏନଏସିର ମେୟର, ଡେପୁଟି ମେୟର, ଅଧ୍ୟକ୍ଷମାନଙ୍କୁ ଗାଡ଼ି ଯୋଗାଇ ଦେଉଛନ୍ତି। କିନ୍ତୁ ବିଧାୟକମାନଙ୍କୁ ଏହି ସୁବିଧା ମିଳୁନଥିଲା।
Comments ସମସ୍ତ ମତାମତ