Apr 17, 2026
ମୁଖ୍ୟ ଖବର
ଭୁବନେଶ୍ୱର:ଆଜି ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଶ୍ରାଦ୍ଧ ଦିବସ । ରାଜ୍ୟବ୍ୟାପୀ ବ୍ୟାପକ ଆୟୋଜନ । ବନ୍ଧା ସରିଛି ରାଜନୈତିକ ମଞ୍ଚ । ତେଜିବ ବିଜୁ ଲିଗାସି ବୟାନବାଜି ଓ ରାଜନୀତି । ୨୦୨୬ର ଏପ୍ରିଲ ୧୭ ଓଡ଼ିଶା ରାଜନୀତି ପାଇଁ ଏକ ନୂଆ ଚର୍ଚ୍ଚା ଓ ସମୀକରଣର ମୂଳଦୁଆ ପକାଇବ ବୋଲି ଚର୍ଚ୍ଚା ହେଉଛି । ଓୟୁଏଟିରେ ଓଡ଼ିଶା ନାଗରିକ ମଞ୍ଚ ବ୍ୟାନରରେ ଏକାଠି ହେବେ ବିଜୁଙ୍କ ପୁରୁଣା ଅନୁଗତ ।
ସେପଟେ ରାଜ୍ୟର ଶଙ୍ଖ ଭବନ ସହ ସମସ୍ତ ନିର୍ବାଚନମଣ୍ଡଳୀରେ ବିଜେଡି ପାଳିବ ବିଜୁଙ୍କ ଶ୍ରାଦ୍ଧ ଦିବସ । ଏହି ଦିବସକୁ ବିଜେଡି ପ୍ରବାଦ ପୁରୁଷ ଦିବସ ଭାବେ ପାଳନ କରୁଛି । ଦିଲ୍ଲୀରୁ ଭିଡିଓ କନଫରେନ୍ସିଂ ଯୋଗେ କାର୍ଯ୍ୟକ୍ରମରେ ସାମିଲ ହେବେ ବିଜେଡି ସଭାପତି ନବୀନ ପଟ୍ଟନାୟକ । ଏହାସହ ବିଜେଡି ସଂସଦୀୟ ଦଳ ପକ୍ଷରୁ ଦିଲ୍ଲୀର କନଷ୍ଟିଟ୍ୟୁସନ କ୍ଲବରେ ସନ୍ଧ୍ୟାରେ ବିଜୁବାବୁଙ୍କ ୨୯ତମ ଶ୍ରାଦ୍ଧ ଦିବସ ପାଳିତ ହେବ । ଏଥିରେ ଉପସ୍ଥିତ ରହିବେ ନିଜେ ନବୀନ ।
ଅନ୍ୟପଟେ ସକାଳ ୧୦ଟାରେ ଓୟୁଏଟି ସମ୍ମିଳନୀ କକ୍ଷରେ ଓଡ଼ିଶା ନାଗରିକ ମଞ୍ଚର କାର୍ଯ୍ୟକ୍ରମ ହେବ । କାର୍ଯ୍ୟକ୍ରମ ନେଇ ବିଜୟ ମହାପାତ୍ର କହିଛନ୍ତି, ବିଜୁବାବୁଙ୍କ ପାଇଁ ସମସ୍ତେ ଏକାଠି ହେବେ । ଏହା କୌଣସି ରାଜନୈତିକ କାର୍ଯ୍ୟକ୍ରମ ନୁହେଁ । ସୌମ୍ୟ କହିଛନ୍ତି, ଓଡ଼ିଶାକୁ ଭଲ ପାଉଥିବା ଲୋକେ ଏହି କାର୍ଯ୍ୟକ୍ରମରେ ସାମିଲ ହେବେ । ସରକାରୀ ସ୍ତରରେ ବି ବିଭିନ୍ନ କାର୍ଯ୍ୟକ୍ରମ ରହିଛି । ବିଧାନସଭା ପରିସରରେ ବିଜୁବାବୁଙ୍କ ପ୍ରତିମୂର୍ତ୍ତିରେ ସକାଳେ ମୁଖ୍ୟମନ୍ତ୍ରୀ, ଉପମୁଖ୍ୟମନ୍ତ୍ରୀ, ବାଚସ୍ପତି, ମନ୍ତ୍ରୀଗଣ, ବିଧାୟକମାନେ ଶ୍ରଦ୍ଧା ସୁମନ ଅର୍ପଣ କରିବେ ।
Comments ସମସ୍ତ ମତାମତ