ମୁଖ୍ୟ ଖବର
କଟକ: ବାରବାଟୀ ଷ୍ଟାଡିୟମରେ ଆସନ୍ତା ୯ ତାରିଖରେ ଅନୁଷ୍ଠିତ ହେବ ଭାରତ- ଇଂଲଣ୍ଡ ଏକ ଦିବସୀୟ ମ୍ୟାଚ। ସେଥିପାଇଁ ଅନଲାଇନରେ ରବିବାର ଟିକେଟ ବିକ୍ରି ଆରମ୍ଭ ହୋଇଥିଲା। ତେବେ ଟିକେଟ ବିକ୍ରିର ଆରମ୍ଭ ହେବାର ମାତ୍ର ୩୫ ମିନିଟରେ ଦୁଇ ନମ୍ବର ଓ ଚାରି ନମ୍ବର ଗ୍ୟାଲେରୀ ଟିକେଟ ଶେଷ ହୋଇଯାଇଛି। ସେହିପରି ୭ ନଂ ଗ୍ୟାଲେରୀ ଟିକେଟ ଓ ସ୍ପେଶାଲ ଏନକ୍ଲୋଜର ଟିକେଟ ଶେଷ ହୋଇଯାଇଥିଲା। ଅନଲାଇନରେ ଟିକେଟ ଶେଷ ହୋଇଯିବାରୁ ବହୁ କ୍ରୀଡା ପ୍ରେମୀଙ୍କୁ ନିରାଶ ହେବାକୁ ପଡିଛି।
ଅନ୍ୟପଟେ ଅନଲାଇନ୍ ଟିକେଟ ବିକ୍ରିରେ ଦର୍ଶକଙ୍କ ପସନ୍ଦଯୋଗ୍ୟ ୧ ଓ ୩ ଗ୍ୟାଲେରୀ ସହିତ କର୍ପୋରେଟ ବକ୍ସ ଟିକେଟ୍ ଉପଲବ୍ଧ ହେବ। ୧ ଓ ୩ ନମ୍ବର ଗ୍ୟାଲେରୀ ପଡିଆ ପାର୍ଶ୍ଵରେ ରହିଥିବାରୁ କ୍ରିକେଟପ୍ରେମୀ ଏହି ଗ୍ୟାଲେରୀ ଟିକେଟ କିଣିବା ପାଇଁ ଆଗ୍ରହ ପ୍ରକାଶ କରିଥାଆନ୍ତି। କିନ୍ତୁ ଏଥର ଏହି ଦୁଇ ଗ୍ୟାଲେରୀ ଟିକେଟ ନଥିବାରୁ କ୍ରିକେଟପ୍ରେମୀ ଅସନ୍ତୋଷ ପ୍ରକଟ କରିଛନ୍ତି।
Comments ସମସ୍ତ ମତାମତ