Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ବାସ୍ତୁଶାସ୍ତ୍ର

ମୁଖ୍ୟ ଖବର

    ଚକଟା ଅଟା : କରନ୍ତୁ ନାହିଁ ଏହି ଭୁଲ୍‌‌, ଲାଗି ରହେ ଧନର ଅଭାବ..

    Share on :
    ajab-Image
    Date: May 8, 2023    Views: 5970

    ବାସ୍ତୁ ଶାସ୍ତ୍ରରେ ରୋଷେଇ ଘର ପାଇଁ ଅନେକ ନିୟମ ବର୍ଣ୍ଣନା କରାଯାଇଛି। ଏହି ନିୟମର ପାଳନ କରିବା ଦ୍ୱାରା ଜୀବନରେ ସମସ୍ୟା ସୃଷ୍ଟି ହୋଇନଥାଏ। ଏହି ନିୟମ ରୋଷେଇ ଘର ସହ ଭୋଜନ ପ୍ରସ୍ତୁତ ପାଇଁ ଥିବା ଜିନିଷ ଉପରେ ମଧ୍ୟ ଥାଏ। ଏଥିପ୍ରତି ଧ୍ୟାନ ରଖିବା ଉଚିତ୍‌‌। ନଚେତ୍‌‌ ବାସ୍ତୁ ଦୋଷ ସମସ୍ୟା ସୃଷ୍ଟି ହୋଇଥାଏ। ପତି-ପତ୍ନୀଙ୍କ ମଧ୍ୟରେ କଳହ ମଧ୍ୟ ହୋଇଥାଏ। ଆର୍ଥିକ କ୍ଷେତ୍ରରେ ସମସ୍ୟା ଲାଗି ରହିଥାଏ। ତେବେ ଜାଣନ୍ତୁ ଅଟା ଚକଟିବା ସମୟରେ କେଉଁ ନିୟମର ପାଳନ କରିବା ଉଚିତ୍‌‌..
    ବାସ୍ତୁ ଅନୁଯାୟୀ, ଅଟା ଚକଟିବା ପରେ ଅଟା ଗୁଳା ପ୍ରସ୍ତୁତ କରିବା ପରେ ଏଥିରେ ଆଙ୍ଗୁଠିରେ ଚିହ୍ନ କରି ଦିଅନ୍ତୁ। ଏପରି ନକରିବା ଦ୍ୱାରା ପିତୃଦୋଷ ସୃଷ୍ଟି ହୋଇଥାଏ।
    ଅଟା ଚକଟିବା ପରେ ବଳକା ପାଣି ସିଧାସଳଖ ପକାନ୍ତୁ ନାହିଁ। ଏହି ପାଣିକୁ ଗଛ ମୂଳରେ ଢାଳନ୍ତୁ। କିମ୍ବା ଅନ୍ୟ କୌଣସି କାମରେ ବ୍ୟବହାର କରନ୍ତୁ।
    ଅଟା ଚକଟିବା ପରେ ତୁରନ୍ତ ରୁଟି ପ୍ରସ୍ତୁତ କରନ୍ତୁ। ଚକଟା ଅଟାକୁ ଅଧିକ ସମୟ ରଖିବା ଦ୍ୱାରା ବାସ୍ତୁ ଦୋଷ ସୃଷ୍ଟି ହୋଇଥାଏ। ଏଥିରେ ଜୀବାଣୁ ମଧ୍ୟ ସୃଷ୍ଟି ହୋଇଥାଆନ୍ତି।
    ଚକଟା ଅଟାକୁ ଫ୍ରିଜରେ ରଖି ଏହାର ରୁଟିର ପ୍ରସ୍ତୁତ କରି ଖାଇବା ଦ୍ୱାରା ସ୍ୱାସ୍ଥ୍ୟ ଉପରେ କୁପ୍ରଭାବ ପକାଇଥାଏ। ଅନେକ ରୋଗର କାରଣ ପାଲଟିଥାଏ। ତେଣୁ ଆବଶ୍ୟକ ଅନୁଯାୟୀ ହିଁ ଅଟା ଚକଟା ପ୍ରସ୍ତୁତ କରନ୍ତୁ।
    ଥରେ ରୁଟି ପ୍ରସ୍ତୁତ କରିବା ପରେ ବେଲଣା ବେଲେଣା ପେଡି ଓ କାଠି , ତାୱାକୁ ଭଲ ଭାବେ ସଫା କରନ୍ତୁ। ଏହାକୁ ଅପରିଷ୍କାର ରଖନ୍ତୁ ନାହିଁ। ନିୟମିତ ବ୍ୟବହାର ପରେ ଅନ୍ୟ ବାସନ ଭଳି ଏହାକୁ ମଧ୍ୟ ସଫା କରନ୍ତୁ। ନଚେତ୍‌‌ ବାସ୍ତୁ ଦୋଷ ସୃଷ୍ଟି ହୋଇଥାଏ। ମା’ଲକ୍ଷ୍ମୀ ଅସନ୍ତୁଷ୍ଟ ହୋଇଥାଆନ୍ତି। ଧନର ଅଭାବ ଦେଖାଯାଇଥାଏ।
    ବାସ୍ତୁ ନିୟମ ଅନୁଯାୟୀ ସ୍ନାନ ପରେ ଅଟା ଚକଟିବା ଉଚିତ। ଅଟା ଚକଟା ପ୍ରସ୍ତୁତ କରିବା ପାଇଁ ତମ୍ବା ପାତ୍ରରେ ପାଣି ନେବା ଉଚିତ। ଏହାଦ୍ୱାରା ଘରେ ସୁଖସମୃଦ୍ଧି ବୃଦ୍ଧି ହୋଇଥାଏ।
    ବାସ୍ତୁ ଦୋଷ କାରଣରୁ ପରିବାରରେ କଳହ ହୋଇଥାଏ। ତେଣୁ ଏହି ଦିଗ ପ୍ରତି ଧ୍ୟାନ ଦିଅନ୍ତୁ।
    ଅଟା ଚକଟିବା ପରେ ଏହାକୁ ଢାଙ୍କି ରଖନ୍ତୁ। ଏହାକୁ ଖୋଲା ରଖିବା ଦ୍ୱାରା ନକରାତ୍ମକ ଶକ୍ତି ପ୍ରବେଶ କରିଥାଏ।

    Maximum 500 characters

    ବାସ୍ତୁଶାସ୍ତ୍ର View all

    Find Us on Facebook