Tags : assembly

ଭୁବନେଶ୍ୱର: ରାଜ୍ୟରେ ଏବେ ୧୦୮ ଆମ୍ବୁଲାନ୍ସ ଠିକ ସମରେ ପହଞ୍ଚି  ପାରୁନଥିବା ଅଭିଯୋଗ ହେଉଛି । ତେବେ ଭଣ୍ଡାରୀପୋଖରୀ ବିଧାୟକ ସଞ୍ଜୀବ ମଲ୍ଲିକଙ୍କ ପ୍ରଶ୍ନର ଉତ୍ତର ରଖି ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ କହିଛନ୍ତି ଯେ ୧୦୮ ଆମ୍ବୁଲାନ୍ସ ପହଞ୍ଚିବା ସମୟ କମିବ । ଗତ ୧୮ ମାସରେ ରାଜ୍ୟ ସରକାର ୪୨୮ଟି ନୂଆ ଆମ୍ବୁଲାନ୍ସ ଦେଇଛନ୍ତି । ମାତ୍ର ୩୦ ମିନିଟରେ ୧୦୮ ଆମ୍ବୁଲାନ୍ସ ପହଞ୍ଚିବାର ନିୟମ ରହିଛି । ତେବେ ଏହି ସମୟକୁ ଆହୁରି କମାଇବାକୁ ଚେଷ୍ଟା କରାଯାଉଛି । ଜିପିଆରଏସ ଟ୍ରାକିଂ ହେଉଛି । ଅବହେଳା ଅଭିଯୋଗର ତଦନ୍ତ ହେବ ବୋଲି ମୁକେଶ ମହାଲିଙ୍ଗ ସୂଚନା ଦେଇଛନ୍ତି । 

ପ୍ରକାଶ ଯେ  ଓଡ଼ିଶା ବିଧାନସଭା ବଜେଟ୍ ଅଧିବେଶନର ଦ୍ବିତୀୟ ପର୍ୟ୍ୟାୟ ଆଜିଠାରୁ ଆରମ୍ଭ ହୋଇଛି। ଗୃହର କାର୍ୟ୍ୟସୂଚୀ ଅନୁଯାୟୀ ପ୍ରଶ୍ନକାଳ ବେଶ୍ ସୁରୁଖୁରୁରେ ପରିଚାଳିତ ହେଉଥିବା ଦେଖିବାକୁ ମିଳିଛି। ଶାସକ ଓ ବିରୋଧୀ ଦଳର ବିଧାୟକମାନେ ରାଜ୍ୟର ବିଭିନ୍ନ ଜନସେବା ଏବଂ ବିକାଶମୂଳକ ପ୍ରସଙ୍ଗରେ ଗୃହରେ ପ୍ରଶ୍ନ ଉଠାଇଛନ୍ତି।ନିର୍ଦ୍ଧାରିତ ସମୟରେ ଗୃହ କାର୍ୟ୍ୟ ଆରମ୍ଭ ହେବା ପରେ ବିଭିନ୍ନ ବିଭାଗୀୟ ମନ୍ତ୍ରୀମାନେ ସଦସ୍ୟମାନଙ୍କ ପ୍ରଶ୍ନର ପୁଙ୍ଖାନୁପୁଙ୍ଖ ଉତ୍ତର ରଖୁଛନ୍ତି। ବିଶେଷକରି କୃଷି, ଶିକ୍ଷା, ସ୍ୱାସ୍ଥ୍ୟ, ଗମନାଗମନ ଏବଂ ଆଇନ ଶୃଙ୍ଖଳା ପରି ଗୁରୁତ୍ୱପୂର୍ଣ୍ଣ ବିଷୟ ଉପରେ ମନ୍ତ୍ରୀମାନେ ସରକାରଙ୍କ ପକ୍ଷରୁ ତଥ୍ୟଭିତ୍ତିକ ସ୍ପଷ୍ଟୀକରଣ ପ୍ରଦାନ କରୁଛନ୍ତି। ବାଚସ୍ପତିଙ୍କ ଅଧ୍ୟକ୍ଷତାରେ ଗୃହରେ ଏକ ଶୃଙ୍ଖଳିତ ବାତାବରଣ ବଜାୟ ରହିଛି। ଅଧିବେଶନର ଏହି ଦ୍ବିତୀୟ ପର୍ୟ୍ୟାୟରେ ବିଭିନ୍ନ ବିଭାଗର ଅନୁଦାନ ଦାବି ଉପରେ ବିସ୍ତୃତ ଆଲୋଚନା ହେବାର କାର୍ୟ୍ୟକ୍ରମ ରହିଛି । ଗୃହରେ ବିତର୍କ ଓ ଆଲୋଚନା ମାଧ୍ୟମରେ ରାଜ୍ୟର ଅଭିବୃଦ୍ଧି ପାଇଁ ନୂତନ ରୋଡମ୍ୟାପ୍ ପ୍ରସ୍ତୁତ କରାଯାଉଛି ।