Tags : arrested

ଭୁବନେଶ୍ୱର:ସ୍ମାର୍ଟ ସିଟି ଅନ୍‌ଲାଇନ ଅଟୋ ଟ୍ୟାକ୍ସି ଡ୍ରାଇଭର୍ ସଂଘ ସଭାପତି ଦୀନବନ୍ଧୁ ନାୟକଙ୍କୁ ଗିରଫ କରିଛି କମିଶନରେଟ୍‌ ପୋଲିସ। ପୁରୀରୁ ଦୀନବନ୍ଧୁଙ୍କୁ ଗିରଫ କରାଯାଇଥିବା ଭୁବନେଶ୍ବର ଡିସିପି ସୂଚନା ଦେଇଛନ୍ତି।ରାଜଧାନୀରେ ଅଟୋ-ଟ୍ୟାକ୍ସି ଚାଳକଙ୍କ ଆନ୍ଦୋଳନ ସମୟରେ ହିଂସାତ୍ମକ ଘଟଣା ଘଟିବା ପରେ ଦୀନବନ୍ଧୁ ନାୟକ ଫେରାର ଥିଲେ। ତାଙ୍କୁ ଧରିବା ପାଇଁ ପୋଲିସ ପକ୍ଷରୁ ଖୋଜାଖୋଜି ଜାରି ରହିଥିଲା। ଶେଷରେ ପୁରୀରୁ ତାଙ୍କୁ ଗିରଫ କରାଯାଇଛି।ଗିରଫ ପୂର୍ବରୁ ଆଜି ସକାଳେ ଦୀନବନ୍ଧୁ ଏକ ଭିଡିଓ ଜାରି କରି ହିଂସାତ୍ମକ ଘଟଣା ପାଇଁ ଜନସାଧାରଣଙ୍କୁ କ୍ଷମା ମାଗିଥିଲେ। ତେବେ ଏହାପରେ ପୋଲିସ ତାଙ୍କୁ ପୁରୀରୁ ଗିରଫ କରିଛି। ଘଟଣାରେ ତାଙ୍କ ଭୂମିକା ଓ ଆନ୍ଦୋଳନ ସମୟରେ ଘଟିଥିବା ହିଂସା ସମ୍ପର୍କରେ ପୋଲିସ ପଚରାଉଚରା କରିବ ବୋଲି ଜଣାପଡ଼ିଛି।