Feb 25, 2026
ମୁଖ୍ୟ ଖବର
ନୂଆଦିଲ୍ଲୀ : ଇଣ୍ଡିଆ ଏଆଇ ଇମ୍ପାକ୍ଟ ସମିଟରେ ସାର୍ଟଲେସ ପ୍ରତିବାଦ ମାମଲାରେ ଦିଲ୍ଲୀ ପୁଲିସ୍ ଏକ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଦିଲ୍ଲୀ ପୁଲିସ୍ ରାଷ୍ଟ୍ରୀୟ ଯୁବ କଂଗ୍ରେସ ସଭାପତି ଉଦୟ ଭାନୁ ଚିବଙ୍କୁ ଗିରଫ କରିଛି। ଦିଲ୍ଲୀ ପୁଲିସର ସୂଚନା ଅନୁଯାୟୀ, ଏଆଇ ସମିଟରେ ପ୍ରତିବାଦ ଯୋଜନା କରିବାରେ ଯୁବ କଂଗ୍ରେସ ସଭାପତି ଉଦୟ ଭାନୁ ଚିବ ଭୂମିକା ଗ୍ରହଣ କରିଥିଲେ। ପ୍ରାୟ ୧୫ ଘଣ୍ଟା ପଚରାଉଚରା ପରେ ଉଦୟ ଭାନୁଙ୍କୁ ଗିରଫ କରାଯାଇଛି। ଆଜି ଉଦୟ ଭାନୁ ଚିବଙ୍କୁ କୋର୍ଟରେ ହାଜର କରାଯାଇଛି।
ଶୁକ୍ରବାର ଭାରତ ମଣ୍ଡପମରେ ଏଆଇ ଇମ୍ପାକ୍ଟ ଶିଖର ସମ୍ମିଳନୀ ଚାଲିଥିବା ସମୟରେ ଯୁବ କଂଗ୍ରେସ କର୍ମୀଙ୍କ ଏକ ଗୋଷ୍ଠୀ ସାର୍ଟଲେସ୍ ପ୍ରତିବାଦ ପ୍ରଦର୍ଶନ କରିଥିଲେ। ସୁରକ୍ଷା କର୍ମୀମାନେ ସେମାନଙ୍କୁ ବାହାର କରିବା ପୂର୍ବରୁ ସେମାନେ ସରକାର ଏବଂ ଭାରତ-ଆମେରିକା ବାଣିଜ୍ୟ ଚୁକ୍ତି ବିରୋଧରେ ସ୍ଲୋଗାନ ଲେଖାଥିବା ଟି-ସାର୍ଟ ଧରିଥିବାର ଦେଖାଯାଇଥିଲା। ଏହି ଘଟଣାରେ ୭ ଜଣ ଯୁବ କଂଗ୍ରେସ କର୍ମୀଙ୍କୁ ଗିରଫ କରାଯାଇଛି। ଉଦୟ ଭାନୁଙ୍କ ଗିରଫଦାରୀ ସହିତ ଏହି ମାମଲାରେ ଗିରଫଦାରଙ୍କ ସଂଖ୍ୟା ୮କୁ ବୃଦ୍ଧି ପାଇଛି।
Comments ସମସ୍ତ ମତାମତ