ନୂଆଦିଲ୍ଲୀ : ବଲିଉଡ଼ର ଆଙ୍ଗି୍ରମ୍ୟାନ ଭାବେ ପରିଚିତ ଅମିତାଭ ବଚ୍ଚନ କିନ୍ତୁ ବାସ୍ତବରେ ଭାରି ଶାନ୍ତ ସ୍ୱଭାବର । ଜୀବନର ଅନେକ ଉତଥାନ ପତନ ଭିତରେ ବିଗ ବି ଏଯାଏଁ ବଲିଉଡ଼ରେ ନିଜର ଦବଦବା ଜାହିର କରିଆସୁଛନ୍ତି । ବଡ଼ ବଡ଼ ସୋ’ର ଉପସ୍ଥାପକ ଭାବେ ତାଙ୍କୁ ହିଁ ଟିଭି ଚ୍ୟାନେଲମାନେ ବାଛୁଛନ୍ତି । ଆଜିକାଲିର ସୁପରଷ୍ଟାରଙ୍କ ଠାରୁ ବି ତାଙ୍କର ଭାଉ ବହୁତ ବୋଲି ଆମେ ସମସ୍ତେ ଜାଣିଛେ । ତେବେ ଐଶ୍ୱର୍ଯ୍ୟା ରାୟଙ୍କୁ ସେ ଏମିତି ଗାଳି କରିବେ ବୋଲି କେହିକେବେ ଭାବିନଥିବେ ।
ଐଶ୍ୱର୍ଯ୍ୟା ରାୟ ବଚ୍ଚନ ବଲିଉଡ଼ର ଏମିତି ଜଣେ ଅଭିନେତ୍ରୀ ଯିଏ ଇଣ୍ଡଷ୍ଟି୍ରରେ ସକ୍ରିୟ ଥିବାବେଳେ ଯେତିକି ଚର୍ଚ୍ଚାରେ ଥିଲେ ଏବେ ସୁଗୃହିଣୀ ଭାବେ ବି ସେତିକି ଚର୍ଚ୍ଚା ସୃଷ୍ଟି କରିଛନ୍ତି । ଆଉ ବିଗବି ବୋହୂ ଐଶ୍ୱର୍ଯ୍ୟାଙ୍କୁ ବହୁତ ଭଲ ପାଇଥା’ନ୍ତି । କିନ୍ତୁ ଏକ ଆୱାଡର଼୍ ସୋ’ରେ ହଠାତ ଐଶ୍ୱର୍ଯ୍ୟାଙ୍କ ଉପରେ ବିଗ-ବି ଖପ୍ପା ହୋଇଯାଇଥିଲେ । ଷ୍ଟାରଡଷ୍ଟ ଆୱାଡର଼୍ ଉତ୍ସବକୁ ଐଶ୍ୱର୍ଯ୍ୟା ନିଜ ଶ୍ୱଶୁରଙ୍କ ସହ ଯାଇଥିଲେ । ସେତେବେଳେ ସିନେମା ଜଜବା ପାଇଁ ଐଶ୍ୱର୍ଯ୍ୟା ଶ୍ରେଷ୍ଠ ଅଭିନେତ୍ରୀ ପୁରସ୍କାର ପାଇଥିବାବେଳେ ପା’ ସିନେମା ପାଇଁ ପୁରସ୍କାର ପାଇଥିଲେ ବଚ୍ଚନ । କିନ୍ତୁ ଆୱାଡର଼୍ ସୋ’ରେ ବିଗବିଙ୍କୁ ହଠାତ ହଗ କରିପକାଇଥିଲେ ଐଶ୍ୱର୍ଯ୍ୟା । ଯାହାକି ଅମିତାଭଙ୍କୁ ଆଦୌ ଭଲ ଲାଗିନଥିଲା । ଯେଉଁଥିପାଇଁ ସେ ଐଶ୍ୱର୍ଯ୍ୟାଙ୍କୁ କହିଥିଲେ, ‘ଆରାଧ୍ୟା ଭଳିଆ ବ୍ୟବହାର କରନାହିଁ’ । କିଛି ସମୟ ପାଇଁ ଐଶ୍ୱର୍ଯ୍ୟା ବିଗବିଙ୍କ ବ୍ୟବହାର ଦେଖି ଚକିତ ହୋଇଯାଇଥିଲେ । କିନ୍ତୁ ବିଗ-ବି କାହିଁକି ଏଭଳି କହିଥିଲେ ତାହା ଜାଣିବା ପରେ ଐଶ୍ୱର୍ଯ୍ୟା ଭୁଲ ବୁଝିପାରିଥିଲେ ।
Comments ସମସ୍ତ ମତାମତ