Tags : accident

ଲାତେହାର : ଝାଡ଼ଖଣ୍ଡର ଲାତେହାର ଜିଲ୍ଲାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ୬ ଜଣଙ୍କର ମୃତ୍ୟୁ ହୋଇଛି। ଚାନ୍ଦୱା ଥାନା ଅନ୍ତର୍ଗତ ଲୁକୁଇୟା ଘାଟିରେ ଶନିବାର ସନ୍ଧ୍ୟା ପ୍ରାୟ ୫ଟା ସମୟରେ ଏକ ଟ୍ରେଲର ନିୟନ୍ତ୍ରଣ ହରାଇ ଗୋଟିଏ ବାଇକ୍ ଓ ଟେମ୍ପୋକୁ ପଛପଟୁ ଜୋରରେ ଧକ୍କା ଦେଇଥିଲା। ଏହି ଭୟଙ୍କର ଦୁର୍ଘଟଣାରେ ଏପର୍ଯ୍ୟନ୍ତ ୬ ଜଣଙ୍କ ମୃତ୍ୟୁ ହୋଇଥିବା ସ୍ପଷ୍ଟ ହୋଇଛି। ଘଟଣା ସମ୍ପର୍କରେ ସୂଚନା ପାଇବା କ୍ଷଣି ପୁଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ଥିଲା। ବର୍ତ୍ତମାନ ଦୁର୍ଘଟଣାରେ ପ୍ରାଣ ହରାଇ ଥିବା ସମସ୍ତ ବ୍ୟକ୍ତିଙ୍କ ପରିଚୟ ସ୍ପଷ୍ଟ କରିବାକୁ ଉଦ୍ୟମ ଚାଲିଛି।
କହି ରଖୁଛୁ କି , ଏହାର ଗୋଟିଏ ଦିନ ପୂର୍ବରୁ ଗୟା-ଦେଓଘର ମୁଖ୍ୟ ରାସ୍ତାର କୋଡରମା ଜିଲ୍ଲା ସତଗାୱାଁ ସ୍ଥିତ ପୋଖରଡିହା ମୋଡ଼ ନିକଟରେ, ସକାଳ ୪ଟାରେ କାଉଡ଼ିଆଙ୍କୁ ନେଇ ଯାଉଥିବା ଏକ ବସ୍ ଓ ଟ୍ରକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା। ଏହି ଦୁର୍ଘଟଣାରେ ତିନି ଜଣ ଶ୍ରଦ୍ଧାଳୁଙ୍କର ମୃତ୍ୟୁ ହୋଇ ଥିଲା। ମୃତକଙ୍କ ମଧ୍ୟରେ ୧୦ ବର୍ଷର ଶିଶୁ ଶିବମ୍ କୁମାର ଏବଂ ତାଙ୍କର ସମ୍ପର୍କୀୟ ଜେଜେ ବାପା ଓ ଜେଜେମା ଥିଲେ। ଏହି ଦୁର୍ଘଟଣାରେ ୧୫ ଜଣ ଯାତ୍ରୀ ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ ୧୦ ଜଣଙ୍କୁ କୋଡରମା ସଦର ହସ୍ପିଟାଲକୁ ରେଫର କରାଯାଇ ଥିଲା।