Tags : accident

ଉନ୍ନାଓ: ଉତ୍ତର ପ୍ରଦେଶର ଉନ୍ନାଓରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଟ୍ରକ୍ ଏବଂ ଅଟୋ-ରିକ୍ସା ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ତିନି ଜଣଙ୍କର ମୃତ୍ୟୁ ହୋଇଛି। ଧକ୍କା ହେବା ପରେ ଅଟୋ-ରିକ୍ସାରେ ବସିଥିବା ଲୋକମାନେ ରାସ୍ତା ଉପରେ ଛିଟିକି ପଡ଼ିଥିଲେ ଏବଂ ଅଟୋ-ରିକ୍ସାଟି ଓଲଟି ପଡ଼ିଥିଲା। ୪ଜଣ ଯାତ୍ରୀ ଗୁରୁତର ଆହତ ହୋଇଥିଲେ, ତିନି ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା। ପଥଚାରୀମାନେ ଅନ୍ୟ ଚାରି ଜଣଙ୍କୁ ଚିକିତ୍ସା ପାଇଁ ଡାକ୍ତରଖାନାକୁ ନେଇଥିଲେ। ଦୁର୍ଘଟଣାର ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଆହତଙ୍କୁ ଡାକ୍ତରଖାନା ପଠାଇବା ସହ ତଦନ୍ତ ଆରମ୍ଭ କରିଛି ।

ସୂଚନା ଅନୁସାରେ ଧକ୍କା ଏତେ ଜୋରରେ ଥିଲା ଯେ ଅଟୋଟି ସମ୍ପୂର୍ଣ୍ଣ ଭାଙ୍ଗି ଯାଇଛି ଏବଂ କିଛି ଯାତ୍ରୀ ଭିତରେ ଫସି ରହିଛନ୍ତି। ଏହି ଦୁର୍ଘଟଣା ଆଜି ଗାଇନ୍ ଥାନା ଅଧୀନସ୍ଥ ମାକୁର ଗ୍ରାମର ଇଣ୍ଡିଆନ୍ ଅଏଲ୍ ପେଟ୍ରୋଲ ପମ୍ପ ନିକଟରେ ଘଟିଛି। ଦୁର୍ଘଟଣାର କାରଣ ତଦନ୍ତ ପାଇଁ ପୁଲିସ ପ୍ରତ୍ୟକ୍ଷଦର୍ଶୀଙ୍କୁ ପଚରାଉଚରା କରିଛି। ସେମାନେ ଆହତମାନଙ୍କ ସୁସ୍ଥତା ପାଇଁ ମଧ୍ୟ ଅପେକ୍ଷା କରିଛନ୍ତି। ଅଟୋ ସହିତ ଧକ୍କା ହେବା ପରେ ଟ୍ରକ୍ ଡ୍ରାଇଭର ଟ୍ରକ୍ ନେଇ ଫେରାର ହୋଇଯାଇଛି, ତାଙ୍କୁ ଧରିବାକୁ ପୁଲିସ ଖୋଜାଖୋଜି ଜାରି ରଖିଛି ।