Jul 27, 2024
ମୁଖ୍ୟ ଖବର
ଆଠଗଡ: ଆଠଗଡ ଥାନା ଅନ୍ତର୍ଗତ ୬୫ନଂ ରାଜ୍ୟ ରାଜପଥର ଦୋରଡ ଓ ଗୋପିନାଥପୁର ମଧ୍ୟବର୍ତ୍ତୀ ପେଟ୍ରୋଲ ପମ୍ପ ନିକଟରେ ଏକ ଚଳନ୍ତା ବାଇକରୁ ପଡି ଜଣେ ମହିଳାଙ୍କ ମୃତ୍ୟୁ ହୋଇଛି । ବାଙ୍କୀ ଥାନା ଅନ୍ତର୍ଗତ ରତାଗଡ ଗ୍ରାମର କେଦାରେଶ୍ୱର ରାଉତଙ୍କ ପତ୍ନୀ ଯମୁନା ରାଉତ ଅସ୍ଥି ଚିକିତ୍ସା ପାଇଁ ତାଙ୍କ ପୁଅ ବିକ୍ରମ ରାଉତଙ୍କ ସହ ଏକ ବାଇକରେ କୁଲାଇଲୋ ଯାଉଥିଲେ । ତେବେ କୌଣସି କାରଣରୁ ଗୋପିନାଥପୁର ନିକଟସ୍ଥ ଉକ୍ତ ପେଟ୍ରୋଲ ପମ୍ପ ନିକଟରେ ଯମୁନା ହଠାତ୍ ବାଇକରୁ ରାସ୍ତାରେ ଖସିପଡିଥିଲେ । ମୁଣ୍ଡରେ ଗୁରୁତର ଆଘାତ ଲାଗି ଆହତ ହୋଇଥିବା ଯମୁନାଙ୍କୁ ଆଠଗଡ ଡାକ୍ତରଖାନା ନେବା ପରେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଆଠଗଡ ପୁଲିସ ମୃତଦେହ ଜବତ କରି ବ୍ୟବଚ୍ଛେଦ କରାଇବା ସହ ଏକ ଦୁର୍ଘଟଣା ଜନିତ ମାମଲା ରୁଜୁ କରିଥିବା ଜଣାପଡିଛି ।
Comments ସମସ୍ତ ମତାମତ 0