Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଦେଶ ବିଦେଶ

ମୁଖ୍ୟ ଖବର

    ବଡ ଖବର, ଜୁଲାଇ ୧୮ରେ ରାଷ୍ଟ୍ରପତି ନିର୍ବାଚନ

    Share on :
    ajab-Image
    Date: Jun 9, 2022    Views: 4355

    ଭୁବନେଶ୍ୱର : ରାଷ୍ଟ୍ରପତି ନିର୍ବାଚନ ପାଇଁ ବିଗୁଲ ଫୁଙ୍କିଛନ୍ତି ଭାରତୀୟ ନିର୍ବାଚନ କମିଶନ । ଜୁଲାଇ ୧୮ରେ ରାଷ୍ଟ୍ରପତି ନିର୍ବାଚନ ହେବ । ଜୁଲାଇ ୨୧ରେ ଭୋଟ ଗଣତି ହେବ । ଆସନ୍ତା ଜୁଲାଇ ୨୪ରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ କାର୍ଯ୍ୟକାଳ ଶେଷ ହେଉଛି  । ତେଣୁ ସମ୍ବିଧାନର ବିଧିବ୍ୟବସ୍ଥା ଅନୁଯାୟୀ ଏହା ପୂର୍ବରୁ ନିର୍ବାଚନ ଶେଷ ହେବ  । ୭୭୬ ସାଂସଦ ଓ ୪୧୨୦ ବିଧାୟକ ରାଷ୍ଟ୍ରପତି ନିର୍ବାଚନରେ ମତଦାନ କରିବେ  । ପ୍ରାର୍ଥୀ ହେବାପାଇଁ ଅତିକମରେ ୫୦ ଜଣ ପ୍ରସ୍ତାବକ ଆବଶ୍ୟକ ରହିଛି  । ସାଂସଦମାନେ ସଂସଦରେ ଓ ବିଧାୟକମାନେ ବିଧାନସଭାରେ ମତଦାନ କରିବେ  । 

    ରାଷ୍ଟ୍ରପତି ନିର୍ବାଚନ ପାଇଁ ଏବେ କୌଣସି ଦଳ ବା ଗୋଷ୍ଠୀଙ୍କ ହାତରେ ଆବଶ୍ୟକୀୟ ସଂଖ୍ୟା ନାହିଁ  । ତେବେ ବିଜେପି ନେତୃତ୍ୱାଧୀନ ଏନଡ଼ିଏ ନିକଟରେ ପ୍ରାୟ ୪୯% ଭୋଟ ଥିବାରୁ ଏନଡ଼ିଏ ପ୍ରାର୍ଥୀ ହିଁ ନିର୍ବାଚନରେ ବାଜିମାତ କରିବାର ଯଥେଷ୍ଟ ସମ୍ଭାବନା ରହିଛି  । ରାଷ୍ଟ୍ରପତି ନିର୍ବାଚନ ପାଇଁ ବିଗୁଲ ବାଜି ସାରିଥିବାରୁ ପରବର୍ତୀ ରାଷ୍ଟ୍ରପତି ପ୍ରାର୍ଥୀଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି । ଏବେ ଉପରାଷ୍ଟ୍ରପତି ଥିବା ଭେଙ୍କେୟା ନାଇଡ଼ୁଙ୍କ ନାମ ମଧ୍ୟ ପରବର୍ତୀ ରାଷ୍ଟ୍ରପତି ପଦକୁ ନେଇ ଚର୍ଚ୍ଚା ହେଉଛି । ସେହିପରି ଲାଲକୃଷ୍ଣ ଆଡ଼ଭାନୀ ଓ ଅନ୍ୟ କେତେକ ବରିଷ୍ଠ ନେତାଙ୍କ ନାମକୁ ନେଇ ମଧ୍ୟ ବିଜେପି ଅଳିନ୍ଦରେ ଚର୍ଚ୍ଚା ହେଉଛି  । ଅପରପକ୍ଷରେ ବିରୋଧୀ ଏଯାବତ ରାଷ୍ଟ୍ରପତି ନିର୍ବାଚନ ପାଇଁ ପ୍ରସ୍ତୁତ ହୋଇନାହାନ୍ତି  । ତଥାପିବି ମମତା ବାନାର୍ଜୀ ଓ ଅନ୍ୟ କେତେକ ନେତା ଏନେଇ ରଣନୀତି କରୁଥିବା କୁହାଯାଉଛି  । 

    Maximum 500 characters

    ଦେଶ ବିଦେଶ View all

    Find Us on Facebook