ଭୁବନେଶ୍ୱର: ଗତ ଶୁକ୍ରବାର ଓଡିଆ ଭାଷା ଗୃହ କମିଟି ବୈଠକ ବିଧାନସଭା ସଚିବାଳୟ ୫୪ ନମ୍ବର ପ୍ରକୋଷ୍ଠରେ ଅନୁଷ୍ଟିତ ହୋଇଥିଲା । ଏହି ବୈଠକରେ ଅଧ୍ୟକ୍ଷତା କରିଥିଲେ କମିଟି ଅଧ୍ୟକ୍ଷ ତଥା ବିଧାୟକ ଅମର ପ୍ରସାଦ ଶତପଥୀ । ଏହି ବୈଠକରେ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ବିଷୟରେ ଆଲୋଚନା ହୋଇଥିଲା । ଏଥିରେ ସୀମାନ୍ତ ଅଞ୍ଚଳରେ ଓଡିଆ ଭାଷାର ବାସ୍ତବ ସ୍ଥିତି ଉପରେ ବ୍ୟାପକ ଆଲୋଚନା ହୋଇଥିଲା । ଝାଡଖଣ୍ଡ ଓ ଛତିଶଗଡ ରାଜ୍ୟରେ ଓଡିଆ ଭାଷାକୁ ଅଣଦେଖା କରାଯାଉଥିବା ହୃଦବୋଧ ହୋଇଛି । ସେହିପରି ଅନ୍ୟ କେତେକ ସୀମାନ୍ତ ରାଜ୍ୟରେ ମଧ୍ୟ ଓଡିଆ ଭାଷାକୁ ମଧ୍ୟ ଦ୍ୱତୀୟ ଭାଷାରୁ ବାଦ୍ ଦିଆଯାଉଥିବାରୁ ଅସନ୍ତୋଷ ପ୍ରକାଶ ପାଇଛି ।
ଓଡିଶା ସରକାର ନିୟମିତ ଓଡିଆ ଭାଷାର ପାଠ୍ୟପୁସ୍ତକ ଯୋଗାଇ ଦେଉଥିବା ଗୃହ କମିଟିକୁ ଅବଗତ କରାଯାଇଛି । କିନ୍ତୁ ସେଠାରେ ଥିବା ଓଡିଆ ଶିକ୍ଷକଙ୍କ ଦରମା କମ୍ ହେଉଥିବାରୁ , ସେମାନଙ୍କ ଦରମା ବୃଦ୍ଧି ସହ ଖାଲି ଥିବା ଶିକ୍ଷକ ପଦବୀ ଗୁଡିକ ତୁରନ୍ତ ପୂରଣ ପାଇଁ ପଦକ୍ଷପ ଗ୍ରହଣ କରାଯିବ ବୋଲି କୁହାଯାଇଛି । ଏହି ସବୁର ସ୍ଥିତି ପରଖି ଗୃହ କମିଟି ରିପୋର୍ଟ ଦେବେ ବୋଲି ସୂଚନା ମିଳିଛି ।
Comments ସମସ୍ତ ମତାମତ 0