ଭୁବନେଶ୍ୱର : ଏଗାର ବର୍ଷର ଚାକିରୀ ଛାଡ଼ି ବିଜେପିରେ ଯୋଗଦେବା ପରେ ଅପରାଜିତା ଷଡ଼ଙ୍ଗୀକୁ ନେଇ ରାଜ୍ୟ ରାଜନୀତିରେ ବେଶ ଚର୍ଚ୍ଚା ହୋଇଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଅମିତ ଶାହାଙ୍କ ପ୍ରେରଣାରେ ସେ ବିଜେପିରେ ମିଶିଥିଲେ ବୋଲି କୁହାଗଲା । ଯାହାକୁ ନେଇ ବିଜେପି ଶିବିରରେ ମଧ୍ୟ ହଟଚମଟ ସୃଷ୍ଟି ହୋଇଥିଲା । ଅପରାଜିତା ଏକ ବଡ଼ ଭୂମିକା ନିର୍ବାହ କରିବେ ବୋଲି କୁହାଯାଉଥିଲା । କିନ୍ତୁ ବାସ୍ତବରେ ବିଜେପିରେ ଅପରାଜିତାଙ୍କ ଭୂମିକା ସେଭଳି ମହତ୍ୱପୂର୍ଣ୍ଣ ନୁହେଁ ବୋଲି ସ୍ପଷ୍ଟ ହୋଇଯାଇଛି । ବରୁଣେଇ ପାଦଦେଶରେ ଗୋଶାଳା ପଡ଼ିଆରେ ହୋଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସ୍ୱାଭିମାନ ସମାବେଶରେ ଅପରାଜିତାଙ୍କୁ ସୀମା ଦେଖାଇ ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ବିଜେପିରେ ଯୋଗଦେବା ପରେ ଅପରାଜିତା ରାଜ୍ୟ ବିଜେପି ରାଜନୀତିରେ ବେଶ ସକ୍ରିୟ ହୋଇପଡ଼ିଥିଲେ । ପ୍ରତିଦିନ ସେ ଜନସମ୍ପର୍କ ରକ୍ଷା କରୁଥିଲେ । ଭୁବନେଶ୍ୱର, ଖୋର୍ଦ୍ଧା, ଜଟଣୀ ଆଦି ଭଳି ନିର୍ବାଚନମଣ୍ଡଳୀ ଗସ୍ତ କରି କର୍ମୀଙ୍କ ସହ ଆଲୋଚନା କରୁଥିଲେ । ରୁଦ୍ଧଦ୍ୱାରରେ ବୈଠକ କରି ରଣନୀତି କରୁଥିଲେ । ଅନେକ ଆଶାୟୀ ପ୍ରାର୍ଥୀ ମଧ୍ୟ ତାଙ୍କୁ ନିୟମିତ ଭେଟୁଥିଲେ । କେତେକ ସ୍ଥାନରେ ଅପରାଜିତା ହୋଡର଼୍ିଂ ଲାଗିବା ସହ ଅପରାଜିତା ଅପା ଜିନ୍ଦାବାଦର ନାରା ବି ପଡ଼ୁଥିଲା । ରାଜ୍ୟ ବିଜେପି କାର୍ଯ୍ୟାଳୟକୁ ନଆସି ସେ ପ୍ରତିଦିନ ସଂଗଠନରେ ଲାଗି ପଡ଼ିଥିଲେ । ଅନେକ ଆଗଧାଡ଼ିର ଗଣମାଧ୍ୟମରେ ତାଙ୍କର ସାକ୍ଷାତକାର ମଧ୍ୟ ହୋଇଥିଲା । ଖାଲି ସେତିକିନୁହେଁ ନିକଟରେ ସେ କର୍ମୀମାନଙ୍କୁ କଡ଼ା ଭାଷାରେ ତାଗିଦ ମଧ୍ୟ କରିଥିଲେ । ବାରବାର ହାରୁଥିବାରୁ ଲାଜ ମାଡୁନାହିଁ ବୋଲି କହିଥିଲେ । ଏପରିକି ଯିଏ ଏକଥା କାମ ନକରି ଗୋଷ୍ଠୀ କଥା କହିବ ସେ ଦଳ ଛାଡ଼ିଦେଉ ବୋଲି କହିବାକୁ ମଧ୍ୟ ସେ ପଛାଇନଥିଲେ । ଫଳରେ ସେ ରାଜ୍ୟ ବିଜେପିର ଏକ ବଡ଼ ଶକ୍ତି ବୋଲି ଚର୍ଚ୍ଚା ଆହୁରି ଦୃଢ଼ୀଭୂତ ହୋଇଥିଲା । ତେବେ ଅପେକ୍ଷା ଥିଲା ଡିସେମ୍ବର ୨୪କୁ । ମୋଦିଙ୍କ ସଭାରେ ଅପରାଜିତାଙ୍କ ଭୂମିକା ହିଁ ତାଙ୍କର ପ୍ରକୃତ ଭୂମିକାକୁ ସ୍ପଷ୍ଟ କରିବ । ଏନେଇ ପୂର୍ବରୁ ଆମେ ଆଲୋକପାତ କରିଥିଲୁ । ଆଜି ଅପରାଜିତାଙ୍କ ପ୍ରକୃତ କ୍ଷମତା ଓ ଭୂମିକାର ଆଭାସ ମିଳିଛି । ଅପରାଜିତାଙ୍କୁ ମୋଦିଙ୍କ ସମାବେଶରେ ଆଦୌ ଗୁରୁତ୍ୱ ଦିଆଗଲା ନାହିଁ । ବରଂ ମଂଚ ଉପରକୁ ଫୁଲ ମାଳ ଧରି ଯିବାକୁ ପଡ଼ିଥିଲା । ମୋଦି ଯେଉଁ ବାଟ ଦେଇ ସଭାକୁ ଆସିଥିଲେ ସେହି ବାଟରେ ତାଙ୍କୁ ଫୁଲତୋଡ଼ା ଦେଇ ସ୍ୱାଗତ କରିଥିଲେ ଅପରାଜିତା । ଅବଶ୍ୟ ଏଥିରେ ସାଧାରଣ ସମ୍ପାଦକ (ସଂଗଠକ) ମାନସ ମହାନ୍ତି ମୁଖ୍ୟ ଭୂମିକା ଗ୍ରହଣ କରିଥିବା ଜାଣିବାକୁ ମିଳିଛି ।
ଅପରପକ୍ଷରେ ବିଗତ କେତେକ ସଭାରେ ମୋଦିଙ୍କ ନିକଟରେ ଧର୍ମେନ୍ଦ୍ରଙ୍କୁ ବସିବାର ସୁଯୋଗ ମିଳିନଥିଲା । କିନ୍ତୁ ଏଥର ଚିତ୍ର ବଦଳି ଯାଇଥିଲା । ଧର୍ମେନ୍ଦ୍ର ହିଁ ମୋଦିଙ୍କ ପାଖରେ ବସିଥିଲେ । ଅର୍ଥାତ ମଂଚ ପରିଚାଳନାର ସମସ୍ତ ଭାର ସେ ହିଁ ନିର୍ବାହ କରିଥିଲେ । ଅପରାଜିତାଙ୍କ ଏଭଳି ହାଲକୁ ନେଇ ବିଭିନ୍ନ ମହଲରେ ଜୋରଦାର ଚର୍ଚ୍ଚା ଆରମ୍ଭ ହୋଇଯାଇଛି । ଏମିତିକି ଧର୍ମେନ୍ଦ୍ର ହିଁ ଅପରାଜିତାଙ୍କୁ ତାଙ୍କର ସୀମା କେତେ ଦର୍ଶାଇ ଦେଇଛନ୍ତି ବୋଲି ରାଜନୀତିକ ମହଲରେ ମତପ୍ରକାଶ ପାଇଛି ।
Bhalo hoichi.BJD Jidabad.Nabin ji jidabad.
News bala bhgawan na kana ? Kichhi bi deykhi Laa matre tabishayare sabu kichhi jaani paare, baa Jani paranti ?
Comments ସମସ୍ତ ମତାମତ 7