May 2, 2026
ମୁଖ୍ୟ ଖବର
କନ୍ଧମାଳ: ଜଙ୍ଗଲ ଭିତରେ ଫୁଟିଲା ଗୁଳି। କନ୍ଧମାଳ ଜିଲ୍ଲା ବେଲଘର ଥାନା ଅଞ୍ଚଳରେ ରକ୍ତାକ୍ତ କାଣ୍ଡ। ଜଣେ ଯୁବକଙ୍କୁ ଗୁଳି କରି ନୃଶଂସ ଭାବେ ହତ୍ୟା କରାଯାଇଥିବା ଅଭିଯୋଗ ହୋଇଛି। ମୃତ ଯୁବକ ଜଣକ ହେଉଛନ୍ତି ସ୍ଥାନୀୟ ଅଞ୍ଚଳର କାମଦେବ ମାଝୀ।
ଖବର ପାଇ ବେଲଘର ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛି। ତେବେ କାମଦେବଙ୍କୁ କିଏ ଏବଂ କେଉଁ କାରଣ ପାଇଁ ହତ୍ୟା କଲା, ସେନେଇ ରହସ୍ୟ ଘନେଇବାରେ ଲାଗିଛି। ପୂର୍ବ ଶତ୍ରୁତା ନା ଅନ୍ୟ କିଛି କାରଣ, ସେ ନେଇ ପୋଲିସ ଏବେ ଖୋଳତାଡ଼ ଜାରି ରଖିଛି।
ଘଟଣାସ୍ଥଳରେ ପୋଲିସ ପହଞ୍ଚି ଛାନଭିନ ଆରମ୍ଭ କରିବା ସହ ଆଖପାଖ ଲୋକଙ୍କୁ ପଚରାଉଚରା କରୁଛି। ଜଙ୍ଗଲ ଭିତରେ ଏଭଳି ଗୁଳିକାଣ୍ଡ ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି।
Comments ସମସ୍ତ ମତାମତ 0