Tags : trump

ନୂଆଦିଲ୍ଲୀ:  ଶାନ୍ତି ଆଲୋଚନା ପୂର୍ବରୁ ଆମେରିକା ରାଷ୍ଟ୍ରପତି ଟ୍ରମ୍ପ ପୁଣି ଚେତାବନୀ ଦେଇଛନ୍ତି । ଇରାନକୁ ନେଇ ଆରାପାର ମୁଡରେ ରହିଛନ୍ତି ଆମେରିକା ରାଷ୍ଟ୍ରପତି । ଧମକ ଦେଇ ବୁଧବାର ସୁଦ୍ଧା ଡିଲ୍ ନ ହେଲେ ଯୁଦ୍ଧବିରତି ବୃଦ୍ଧି କରାଯାଇ ପାରିବ ନାହିଁ । ଇରାନ ବନ୍ଦରଗୁଡ଼ିକ ଉପରେ ନିରନ୍ତର ଅବରୋଧ ଜାରି ରହିବ । ଦୁର୍ଭାଗ୍ୟବଶତଃ ଆମକୁ ପୁଣି ଥରେ ବୋମା ପକାଇବାକୁ ପଡ଼ିବ ବୋଲି ଚେତାବନୀ ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ।ଇରାନ ସହିତ ଯୁଦ୍ଧ ଶେଷ କରିବାକୁ ନେଇ ହ୍ୱାଇଟ୍ ହାଉସରେ ପାର୍ଟି କଥା କହୁଥିବା ଟ୍ରମ୍ପ ଚେତାବନୀ ବି ଦେଇଛନ୍ତି । ସେ କହିଛନ୍ତି ଯଦି ଯୁଦ୍ଧବିରତି ଯାଏ ଡିଲ୍ ନହୁଏ ତେବେ ସିଜିଫାୟାର ଶେଷ ପରେ ତୁରନ୍ତ ବୋମାମାଡ଼ ଆରମ୍ଭ ହୋଇଯିବ ।​​​​​​

ଏୟାର ଫୋର୍ସ ୱାନରେ ଗଣମାଧ୍ୟମ ସହ କଥାବର୍ତ୍ତା ସମୟରେ ଟ୍ରମ୍ପ ସ୍ପଷ୍ଟ କରିଥିଲେ ଯେ, ଇରାନ ସହିତ ଯୁଦ୍ଧବିରତି ବୃଦ୍ଧି କରିବା ମନୋଭାବରେ ନଥାଇପାରନ୍ତି । ମୁଁ ହୁଏତ ଏହାକୁ ବୃଦ୍ଧି କରିବି ନାହିଁ । ଯଦି ଏପରି ହୁଏ, ତେବେ ଅବରୋଧ ଜାରି ରହିବ ଏବଂ ଆମକୁ ପୁଣି ଥରେ ବୋମାମାଡ଼ କକିବାକୁ ପଡିପାରେ । ରାଷ୍ଟ୍ରପତି ଟ୍ରମ୍ପ ସୂଚାଇ ଦେଇଛନ୍ତି ଯେ, ଏପ୍ରିଲ ୨୧ ତାରିଖ ଶେଷ ତାରିଖ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଯଦି ଏହି ତାରିଖ ସୁଦ୍ଧା ଆମେରିକା ଏବଂ ଇରାନ ମଧ୍ୟରେ ଏକ ଠୋସ୍ ଚୁକ୍ତିନାମା ନହୁଏ, ତେବେ ଯୁଦ୍ଧବିରତି ସମାପ୍ତ ହୋଇପାରେ । ଏହାର ସ୍ପଷ୍ଟ ଅର୍ଥ, ମଧ୍ୟପ୍ରାଚ୍ୟ ପୁଣି ଥରେ ଏକ ବଡ ସାମରିକ ସଂଘର୍ଷ ଆଡକୁ ମୁହାଁଇପାରେ । ତଥାପି, ଟ୍ରମ୍ପ ମଧ୍ୟ ଆଶା ପ୍ରକାଶ କରିଛନ୍ତି ଯେ, ଚୁକ୍ତି ହେବ । ମୁଁ ଭାବୁଛି ଏହା ଘଟିବ, କିନ୍ତୁ ଇରାନ କହିଛି ଯେ, ତାଙ୍କ କଥାରେ ବହୁତ କମ୍ ବିଶ୍ୱାସ ଅଛି ।

ହୋର୍ମୁଜ ଅବରୋଧ ଜାରି ରହିବ-  ଆମେରିକା ରାଷ୍ଟ୍ରପତି ଟ୍ରମ୍ପ ସ୍ପଷ୍ଟ କରିଛନ୍ତି ଯେ, ଯୁଦ୍ଧବିରତି ବୃଦ୍ଧି ହେଉ କି ନହେଉ, ଇରାନ ଉପରେ ଆମେରିକାର ନୌସେନା ଅବରୋo ଜାରି ରହିବ । ଏହି ଅବରୋଧ ଇରାନର ଅର୍ଥନୀତିକୁ ଚାପ ଦେବା ପାଇଁ ବୃହତ ରଣନୀତିର ଏକ ଅଂଶ କାରଣ  ଏହା ସିଧାସଳଖ ଏହାର ତୈଳ ରପ୍ତାନିକୁ ପ୍ରଭାବିତ କରେ । ଏହାର ଅର୍ଥ ଆଲୋଚନା ଜାରି ରହିଲେ ମଧ୍ୟ ଚାପର ରାଜନୀତି ଜାରି ରହିବ । ଅନ୍ୟପଟେ ରିପୋର୍ଟ ଆସୁଛି କି, ଦ୍ୱିତୀୟ ପର୍ଯ୍ୟାୟ ଆଲୋଚନା ପାଇଁ ଆମେରିକା ଏବଂ ଇରାନ ପ୍ରତିନିଧିମାନେ ଶୀଘ୍ର ପାକିସ୍ତାନରେ ଏକ ନୂତନ ପର୍ଯ୍ୟାୟ ଆଲୋଚନା ପାଇଁ ସାକ୍ଷାତ କରିପାରନ୍ତି ।
ଟ୍ରମ୍ପଙ୍କ ''ଡବଲ୍ ଗେମ୍‌''-  ଟ୍ରମ୍ପଙ୍କ ରଣନୀତି ବୁଝିବା କଷ୍ଟକର ନୁହେଁ । ଗୋଟିଏ ପଟେ, ସେ ଆଲୋଚନାମୂଳକ ସମାଧାନ ପାଇଁ ସମର୍ଥନ କରନ୍ତି ଅନ୍ୟପଟେ ସେ ସାମରିକ ଚାପ ବଜାୟ ରଖନ୍ତି । ପରିସ୍ଥିତି ବର୍ତ୍ତମାନ ଅତ୍ୟନ୍ତ ସଙ୍କଟମୟ । ଏପ୍ରିଲ ୨୧ ତାରିଖର ଶେଷ ପାଖେଇ ଆସୁଛି । ସମଗ୍ର ବିଶ୍ୱ ଆମେରିକା ଏବଂ ଇରାନ ମଧ୍ୟରେ ଏକ ଚୁକ୍ତି ହୋଇପାରିବ କି ନାହିଁ ତାହା ଦେଖିବା ପାଇଁ ଚାହିଁ ରହିଛି ।