Tags : earth quake

ନୂଆଦିଲ୍ଲୀ : ଇଣ୍ଡୋନେସିଆରେ ଗୁରୁବାର ଶକ୍ତିଶାଳୀ ଭୂକମ୍ପ ଝଟକା ଅନୁଭୂତ ହୋଇଛି। ସକାଳେ ଇଣ୍ଡୋନେସିଆର ଉତ୍ତର ମାଲୁକୁ ପ୍ରଦେଶରେ ଏହି ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଥିବା ବେଳେ ରିକ୍ଟର ସ୍କେଲରେ ଏହାର ତୀବ୍ରତା ୭.୪ ଥିଲା। ଯୁକ୍ତରାଷ୍ଟ୍ର ଭୂତତ୍ତ୍ୱ ସର୍ବେକ୍ଷଣ ଅନୁଯାୟୀ, ଭୂକମ୍ପର କେନ୍ଦ୍ରସ୍ଥଳ ଟେର୍ନେଟ୍ ନିକଟସ୍ଥ ଉତ୍ତର ମାଲୁକୁ ସାଗରରେ ଥିଲା ଏବଂ ଏହାର ଶକ୍ତିଶାଳୀ ତରଙ୍ଗ ପୃଥିବୀ ପୃଷ୍ଠ ତଳେ ୧୦ କିଲୋମିଟର ଗଭୀରତାରୁ ଉତ୍ପନ୍ନ ହୋଇଥିଲା।
ଇଣ୍ଡୋନେସିଆରେ ଭୂକମ୍ପର ଝଟକା ଭୟଙ୍କର ହୋଇପାରେ ବୋଲି ଆଶଙ୍କା କରି ଭୂକମ୍ପବିଜ୍ଞାନୀମାନେ ସୁନାମିର ସମ୍ଭାବନା ସମ୍ପର୍କରେ ସତର୍କ କରାଇଛନ୍ତି। ରିପୋର୍ଟ ଅନୁଯାୟୀ ଭୂମିକମ୍ପ ଏତେ ତୀବ୍ର ଥିଲା ଯେ ଏହା ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି କରିଥିଲା। ଲୋକେ ଚିତ୍କାର କରିବା ସହ ଏଣେତେଣେ ଦୌଡିବାକୁ ଲାଗିଥିଲେ। ସରକାର ନାଗରିକମାନଙ୍କୁ ଉଚ୍ଚ ଭୂମିକୁ ଯିବାକୁ ପରାମର୍ଶ ଦେଇଛନ୍ତି ଏବଂ ଉପକୂଳ ଅଞ୍ଚଳଗୁଡ଼ିକୁ ଖାଲି କରିବାକୁ ନିର୍ଦ୍ଦେଶ ମଧ୍ୟ ଜାରି କରିଛନ୍ତି। ସାରା ଦେଶରେ ରିଲିଫ୍ ଏବଂ ଉଦ୍ଧାରକାରୀ ଦଳଙ୍କୁ ନିୟୋଜିତ କରାଯାଇଛି।