Tags : ipl

ନୂଆଦିଲ୍ଲୀ : ଆଇପିଏଲରେ ବାଂଲାଦେଶୀ ଖେଳାଳି ମୁସ୍ତାଫିଜୁର ରହମାନଙ୍କୁ ବାହାର କରାଯିବା ପରେ ବିବାଦ ସୃଷ୍ଟି ହୋଇଛି। ବାଂଲାଦେଶ ଆସନ୍ତା ମାସରେ ହେବାକୁ ଥିବା ଟି-୨୦ ବିଶ୍ୱକପ୍ ମ୍ୟାଚକୁ ଭାରତ ବାହାରେ ଶ୍ରୀଲଙ୍କାକୁ ଶିଫ୍ଟ କରିବାକୁ ଦାବି କରିଛି। ମହମ୍ମଦ ୟୁନୁସ ସରକାରଙ୍କ ସୂଚନା ପ୍ରସାରଣ ମନ୍ତ୍ରଣାଳୟରେ ପରାମର୍ଶଦାତା ରିଜୱାନା ହସନ କହିଛନ୍ତି ଯେ, ଆମେ ରହମାନଙ୍କୁ ଟିମରୁ ହଟେଇବାକୁ କୁହାଯାଉ ଥିବା କାରଣ ଗୁଡ଼ିକୁ ସ୍ୱୀକାର କରିପାରିବୁ ନାହିଁ। ସେ ଧମକ ଦେଇ କହିଛନ୍ତି ଯେ, ଆମର ସମ୍ମାନରେ ଆଘାତ ଲାଗିଛି ଏବଂ ମୁହଁତୋଡ଼ ଜବାବ ଦେବୁ । ରହମାନଙ୍କ ଏହି ବୟାନରେ କଂଗ୍ରେସ ସାଂସଦ ଶଶି ଥରୁର ମଧ୍ୟ ପ୍ରତିକ୍ରିୟା ଦେଇଛନ୍ତି।ଏହି ନିଷ୍ପତ୍ତିକୁ ବାଙ୍ଗଲାଦେଶ ସରକାର ଅପମାନଜନକ ବୋଲି କହି ପ୍ରତିଶୋଧମୂଳକ ପଦକ୍ଷେପ ନେବାକୁ ଧମକ ଦେଇଛନ୍ତି। ସାଂସଦ ଶଶି ଥରୁର ଏହି ନିଷ୍ପତ୍ତିକୁ କଡ଼ା ସମାଲୋଚନା କରିଛନ୍ତି।
ବୋର୍ଡ ଅଫ୍ କଣ୍ଟ୍ରୋଲ ଫର୍ କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) କେକେଆର୍କୁ ମୁସ୍ତାଫିଜୁର ରହମାନଙ୍କୁ ଟିମ ମୁକ୍ତ କରିବାକୁ ନିର୍ଦ୍ଦେଶ ଦେଇଛନ୍ତି। ଏହା ବାଙ୍ଗଲାଦେଶରେ ହିନ୍ଦୁ ସଂଖ୍ୟାଲଘୁଙ୍କ ଉପରେ ଆକ୍ରମଣ ସମ୍ପର୍କିତ ବିବାଦ ପରେ ହୋଇଛି। କେକେଆର୍ ଆଇପିଏଲ୍ ୨୦୨୬ ପାଇଁ ମୁସ୍ତାଫିଜୁରଙ୍କୁ ୯.୨୦ କୋଟି ଟଙ୍କାରେ କିଣିଥିଲା, କିନ୍ତୁ ବିସିସିଆଇ ନିର୍ଦ୍ଦେଶ ପରେ ତାଙ୍କୁ ବାହାର କରିଛି ଏବଂ ବଦଳ ଖେଳାଳି ନେବାକୁ ଅନୁମତି ମିଳିଛି। ଯୁବ ଓ କ୍ରୀଡ଼ା ଉପଦେଷ୍ଟା ଆସିଫ ନଜରୁଲ ଆଇପିଏଲ୍ ପ୍ରସାରଣକୁ ବାଂଲାଦେଶରେ ବନ୍ଦ କରିବାକୁ ଅନୁରୋଧ କରିଛନ୍ତି ଏବଂ ଟି-୨୦ ବିଶ୍ୱକପ୍ ୨୦୨୬ରେ ବାଂଲାଦେଶର ମ୍ୟାଚ୍ ଗୁଡ଼ିକୁ ଭାରତରୁ ଶ୍ରୀଲଙ୍କାକୁ ସ୍ଥାନାନ୍ତର କରିବାକୁ ଆଇସିସିକୁ ଅନୁରୋଧ କରିଛନ୍ତି।

କଂଗ୍ରେସ ସାଂସଦ ଶଶି ଥରୁର ଏହି ନିଷ୍ପତ୍ତିକୁ "ଖେଳକୁ ନିରର୍ଥକ ରାଜନୀତିକରଣ" ବୋଲି କହି ସମାଲୋଚନା କରିଛନ୍ତି। ସେ ପ୍ରଶ୍ନ କରିଛନ୍ତି - "ଆମେ କାହାକୁ ଦଣ୍ଡ ଦେଉଛୁ? ଦେଶକୁ, ବ୍ୟକ୍ତିକୁ ନା ଧର୍ମକୁ? ଖେଳକୁ ଏଭଳି ରାଜନୀତିକରଣ କେଉଁଠାକୁ ନେବ ?" 

ଏହି ଘଟଣା ଭାରତ-ବାଂଲାଦେଶ ସମ୍ପର୍କରେ ନୂଆ ଉତ୍ତେଜନା ସୃଷ୍ଟି କରିଛି ଏବଂ କ୍ରିକେଟ୍ ଓ ରାଜନୀତିର ମିଶ୍ରଣକୁ ଆହୁରି ସ୍ପଷ୍ଟ କରିଛି। ଏହି ବିବାଦ ଆଇପିଏଲ୍ ୨୦୨୬ ପୂର୍ବରୁ ଦୁଇ ଦେଶ ମଧ୍ୟରେ କ୍ରିକେଟ୍ ସମ୍ପର୍କକୁ ପ୍ରଭାବିତ କରିବାର ଆଶଙ୍କା କରାଯାଉଛି। ପରିସ୍ଥିତି ଉପରେ ସମସ୍ତଙ୍କର ନଜର ରହିଛି।