Tags : 4 tiger dead

ନୂଆଦିଲ୍ଲୀ: କର୍ଣ୍ଣାଟକରେ ବେଆଇନ ଖଣି ବ୍ଲାଷ୍ଟିଂ । ୪ କଲରାପତରିଆ ବାଘଙ୍କ ମୃତ୍ୟୁ। ମୃତ ବାଘଙ୍କ ମଧ୍ୟରେ ଗୋଟିଏ ଗର୍ଭବତୀ ଥିବା ସୂଚନା ମିଳିଛି। ବେଙ୍ଗାଲୁରୁର ଚିକ୍କନହଲିରେ ଏହି ଘଟଣା ଘଟିଥିବା ସୂଚନା ମିଳିଛି।
ବନ ବିଭାଗ ଅଧିକାରୀଙ୍କ ଅନୁଯାୟୀ, ଚିତାବାଘର ମୃତଦେହ କ୍ଷତବିକ୍ଷତ ଅବସ୍ଥାରେ ମିଳିଛି। ଏହି ଘଟଣାକୁ ନେଇ ଯଶବନ୍ତପୁରର ବିଜେପି ବିଧାୟକ ଏସ.ଟି. ସୋମଶେଖର ପ୍ରବଳ କ୍ରୋଧ ପ୍ରକାଶ କରି ବନ ବିଭାଗ ଉପରେ ଘୋର ଅବହେଳାର ଅଭିଯୋଗ ଆଣିଛନ୍ତି। ସେ କହିଛନ୍ତି ଯେ, ରାଜ୍ୟରେ ବାରମ୍ବାର ବନ୍ୟପ୍ରାଣୀଙ୍କ ମୃତ୍ୟୁ ସତ୍ତ୍ୱେ ବିଭାଗ କୌଣସି ଠୋସ୍ କାର୍ୟ୍ୟାନୁଷ୍ଠାନ ଗ୍ରହଣ କରିବାରେ ବିଫଳ ହୋଇଛି। ସେ ଆହୁରି ବି କହିଛନ୍ତି ଯେ, ଏହି ଅଞ୍ଚଳରେ ଦୀର୍ଘ ଦିନ ଧରି ବେଆଇନ ବ୍ଲାଷ୍ଟିଂ ଚାଲିଛି ଏବଂ ସମ୍ପୃକ୍ତ ମନ୍ତ୍ରୀ ଏବଂ ଅଧିକାରୀମାନେ ଘୋର ଉଦାସୀନତା ପ୍ରଦର୍ଶନ କରୁଛନ୍ତି। ଏହି ବିଷୟରେ ଜଙ୍ଗଲ ମନ୍ତ୍ରୀଙ୍କ ସହ ଯୋଗାଯୋଗ କରିବାକୁ ଅନେକ ଚେଷ୍ଟା କରିଥିଲେ, କିନ୍ତୁ ତାଙ୍କ ଫୋନର କୌଣସି ଉତ୍ତର ମିଳିନଥିଲା ବୋଲି ସେ କହିଛନ୍ତି।
ସେ ଆହୁରି କହିଛନ୍ତି, ଏହି ଘଟଣା ସମ୍ପର୍କରେ ବନ ବିଭାଗକୁ ଏକ ଆନୁଷ୍ଠାନିକ ଚିଠି ପଠାଯାଇଛି, ଯେଉଁଥିରେ ବେଆଇନ ବ୍ଲାଷ୍ଟିଂକୁ ତୁରନ୍ତ ବନ୍ଦ କରିବା, ଦୋଷୀମାନଙ୍କୁ ଚିହ୍ନଟ କରିବା ଏବଂ ଚିତାବାଘ ମୃତ୍ୟୁ ପାଇଁ ଦାୟିତ୍ୱ ସ୍ଥିର କରିବାକୁ ଦାବି କରାଯାଇଛି।" ଏହି ମାମଲା ପୁଣି ଥରେ ରାଜ୍ୟରେ ବନ୍ୟପ୍ରାଣୀ ସଂରକ୍ଷଣ ଏବଂ ପ୍ରଶାସନିକ ଦାୟିତ୍ୱ ଉପରେ ପ୍ରଶ୍ନବାଚୀ ସୃଷ୍ଟି କରିଛି।