Apr 20, 2024
ମୁଖ୍ୟ ଖବର
ଇସଲାମାବାଦ: ପାକିସ୍ତାନର ଉତ୍ତର ପଶ୍ଚିମ ଖେବର ପଖତୁନ୍ଖ୍ୱା ଅଂଚଳରେ ଆତଙ୍କବାଦୀମାନେ ଗୁଳି କରି ସମ୍ପୃକ୍ତ ୨ ଜଣ ଶିଖଙ୍କୁ ହତ୍ୟା କରିଛନ୍ତି । ଆଫଗାନିସ୍ତାନ ସୀମା ସଂଲଗ୍ନ ଏହି ଅଶାନ୍ତ ଅଂଚଳରେ ସଂଖ୍ୟାଲଘୁ ସଂପ୍ରଦାୟକୁ ଟାର୍ଗେଟ କରି ବାରମ୍ବାର ଆକ୍ରମଣ ହେଉଛି । ଏହି ହତ୍ୟା ପାଇଁ ଇସଲାମିକ ଉଇଲାୟହ ଖୋରସରନ ନାମକ ସଙ୍ଗଠନ ନିଜକୁ ଦାୟୀ କରିଛି । ମୃତକ ୨ ଜଣ ହେଲେ ସଲଜିତ ସିଂହ(୪୨) ଏବଂ ରଣଜିତ ସିଂହ(୩୮) । ବାଇକରେ ଦୁଇଜଣ ଆତଙ୍କବାଦୀ ଆସି ସେମାନଙ୍କୁ ଗୁଳି କରି ମାରିଛନ୍ତି । ମୁଖ୍ୟମନ୍ତ୍ରୀ ମହମୁଦ୍ ଖାନ୍ ଏହି ଘଟଣାର ନିନ୍ଦା କରିବା ସହ ହତ୍ୟାକାରୀଙ୍କୁ ତୁରନ୍ତ ଗିରଫ କରିବାକୁ ନିର୍ଦ୍ଦେଶ ଦେଇଛନ୍ତି । ଭାରତ ଗଭୀର ଦୁଃଖ ପ୍ରକାଶ କରିବା ସହ ତୀବ୍ର ନନ୍ଦା ମଧ୍ୟ କରିଛି ।
ଏହି ଘଟଣାକୁ ନେଇ ଭାରତର ବୈଦେଶିକ ମୁଖପାତ୍ର କହିଛନ୍ତି ଯେ, ହତ୍ୟାକାଣ୍ଡକୁ ଆମେ ଘୋର ବିରୋଧ କରିଛୁ । ପାକିସ୍ତାନରେ ସଂଖ୍ୟା ଲଘୁମାନେ ଅସୁରକ୍ଷିତ ହୋଇପଡିଛନ୍ତି । ସେମାନଙ୍କ ଉପରେ ଲଗାତାର ଆକ୍ରମଣ ହେଉଛି । ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଆମେ ଅବଗତ କରିଛୁ । ଆଶା କରୁଛୁ ପାକିସ୍ତାନ ସରକାର ଉଚିତ ପଦକ୍ଷେପ ନେବେ ।
ପାକିସ୍ତାନରେ ସଂଖ୍ୟାଲଘୁଙ୍କ ସୁରକ୍ଷା ଗୁରୁତର ଭାବେ ପାକିସ୍ତାନ ଗ୍ରହଣ କରୁ ବୋଲି ଆମେ ଦାବି କରିଛୁ । ଶିଖ୍ ଦ୍ୱୟଙ୍କ ହତ୍ୟାର ପ୍ରତିବାଦ କରିଛନ୍ତି ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପ୍ଟେନ ଅମରିନ୍ଦର ସିଂହ । ସେ ଲେଖିଛନ୍ତି ଯେ, ପେଶୱାରରେ ୨ ଜଣ ଶିଖଙ୍କୁ ହତ୍ୟା କରାଯିବା ଅତ୍ୟନ୍ତ ନିନ୍ଦନୀୟ ।
Comments ସମସ୍ତ ମତାମତ