ଖୋର୍ଦ୍ଧା : ଆଜି କାଲି ଯୁବପିଢି ଯୌବନରେ ପାଦ ଥାପିଲା ପରେ ପ୍ରେମର ବାସ୍ତବ ମୂଲ୍ୟ ନବୁଝି ପ୍ରେମ କରୁଛନ୍ତି । ପ୍ରେମରେ ପଡି ଏମିତି ଅନ୍ଧ ପାଲଟିଯାଉଛନ୍ତି ଯେ, ଶେଷରେ ମୂଲ୍ୟବାନ ଜୀବନକୁ ମଧ୍ୟ ଶେଷ କରିବାକୁ ପଛାଉନାହାନ୍ତି । ନିକଟରେ ଅନେକ ଜଣ ପ୍ରେମ ପାଇଁ ଆତ୍ମହତ୍ୟା କରିଥିବାବେଳେ ଆଜି ଆଉ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି ।
କାଇପଦର ଧଉଳିମୁହଁ ରେଳଧାରଣା ମଧ୍ୟବର୍ତ୍ତୀ ଅଂଚଳରେ ସୌମ୍ୟରଂଜନ ପରିଡାଙ୍କ ମୃତ ଦେହ ପଡିଛି । ଯୁବକଙ୍କ ଦେହସାରା କ୍ଷତ ଚିହ୍ନ ରହିଛି । ସୂଚନା ଅନୁସାରେ ମୃତ୍ୟୁ ପୂର୍ବରୁ ଯୁବକ ଜଣଙ୍କ ନିଜ ହାତକୁ କାଟି ଭିଡିଓ କରିଥିଲେ ଓ ଭିଡିଓରେ ସେ ପ୍ରେମରେ ଧୋକା ଖାଇଥିବା କହିଥିଲେ । ଏହାପରେ ସେହି ଭିଡିଓକୁ ସେ ଷ୍ଟାଟସ୍ ଦେଇଥିଲେ ଓ ଘର ଲୋକଙ୍କୁ ଫୋନ୍ କରିଥିଲେ ଓ ତା’ପରେ ରେଳ ଧାରଣାରେ ଆତ୍ମହତ୍ୟା କରିଥିବା କୁହାଯାଉଛି । ତେବେ କିପରି ସୌମ୍ୟ ରେଳଲାଇନ୍ ନିକଟକୁ ଆସିଲେ ଓ ସେ ଆତ୍ମହତ୍ୟା କରିଛନ୍ତି ନା ତାଙ୍କୁ କେହି ହତ୍ୟା କରିଛି, ସେ ବାବଦରେ ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଯୁବକଙ୍କ ଏଭଳି କାଣ୍ଡ ପାଇଁ, ପରିବାରରେ ଶୋକର ଛାୟା ଖେଳିଯାଇଛି ।
Comments ସମସ୍ତ ମତାମତ