Tags : india won against westindies

ପୋର୍ଟ ଅଫ ସ୍ପେନ : ଘରୋଇ ୱେଷ୍ଟଇଣ୍ଡିଜ୍‌ ବିପକ୍ଷରେ ଖେଳାଯାଇଥିବା ପ୍ରଥମ ଦିନିକିଆ ମ୍ୟାଚରେ ଭାରତ ରୋମାଞ୍ଚକର ବିଜୟ ହାସଲ କରିଛି। ପୋର୍ଟ ଅଫ ସ୍ପେନର କୁଇନ୍ସ ପାର୍କରେ ଶୁକ୍ରବାର ମ୍ୟାଚରେ ଭାରତ ୩ରନରେ ୱେଷ୍ଟଇଣ୍ଡିଜ୍‌କୁ ପରାସ୍ତ କରିଛି।୩ ମ୍ୟାଚବିଶିଷ୍ଟ ଶୃଙ୍ଖଳାରେ ଭାରତ ୧-୦ରେ ଆଗୁଆ ରହିଛି। ରବିବାର ଦ୍ବିତୀୟ ଦିନିକିଆ ମ୍ୟାଚ ଖେଳାଯିବ।
ଶିଖର ଧାୱନ, ଶୁବମାନ ଗିଲ୍‌ ଓ ଶ୍ରେୟାସ ଆୟାରଙ୍କ ଅର୍ଦ୍ଧଶତକ ବଳରେ ଭାରତ ପ୍ରଥମେ ବ୍ୟାଟିଂ କରି ୩୦୮ରନ କରିଥିଲା। ଜବାବରେ ୱେଷ୍ଟଇଣ୍ଡିଜ୍‌ କାଏଲ ମେୟର୍ସ ଓ ବ୍ରାଣ୍ଡେନ କିଙ୍ଗ୍‌ଙ୍କ ଅର୍ଦ୍ଧଶତକ ପରେ ଅକେଲ ହୋସେନ ଓ ରୋମାରିଓ ସେଫର୍ଡଙ୍କ ଲଢୁଆ ବ୍ୟାଟିଂ ସତ୍ତ୍ବେ ୫୦ ଓଭରରେ ୬ ୱିକେଟ ହରାଇ ୩୦୫ରନ କରିବାକୁ ସକ୍ଷମ ହୋଇଥିଲା। କାଏଲ ମେୟର୍ସ ସର୍ବାଧିକ ୭୫ରନ କରିଥିବାବେଳେ ବ୍ରାଣ୍ଡେନ କିଙ୍ଗ୍‌ ୫୪,ସାମ୍‌ସ ବ୍ରୁକ୍ସ ୪୬ରନ କରିଥିଲେ। ଅନ୍ୟମାନଙ୍କ ମଧ୍ୟରେ ଅଧିନ​‌ାୟକ ନିକୋଲାସ ପୁରନ ୨୫ ରନ କରି ଆଉଟ ହୋଇଥିଲେ। ଭାରତ ପକ୍ଷରୁ ସାର୍ଦୁଳ, ସିରାଜ ଓ ଯୁଜୁବେନ୍ଦ୍ର ଚହଲ ଦୁଇଟି ଲେଖାଏଁ ୱିକେଟ ନେଇଥିଲେ।