ଇସଲାମାବାଦ : ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଉପରେ ନେତା ଓ ସେନାର ଆଉ ଆସ୍ଥା ନାହିଁ । ଧିରେଧିରେ ଇମ୍ରାନ ଖାନଙ୍କ ପ୍ରତି ସମର୍ଥନ କମିବାରେ ଲାଗିଛି । ଏସବୁକୁ ଆଖି ଆଗରେ ରଖି ଇମ୍ରାନ ଖାନଙ୍କୁ ହଟାଇ ତାଙ୍କ ସ୍ଥାନରେ ନୂଆ ପ୍ରଧାନମନ୍ତ୍ରୀ ବାଛିବା ପାଇଁ କସରତ ଆରମ୍ଭ ହୋଇଯାଇଛି । ଇମ୍ରାନ ଖାନଙ୍କ ସ୍ଥାନରେ ପାକ ବୈଦେଶିକ ମନ୍ତ୍ରୀ ଶାହ ମେହମ୍ମୁଦ କୁରୈସି କିମ୍ବା ପରଭେଜ ଖଟକଙ୍କୁ ପ୍ରଧାନମନ୍ତ୍ରୀ କରାଯାଇପାରେ ବୋଲି ଅନ୍ତର୍ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି ।
ଇମ୍ରାନ ଖାନଙ୍କୁ ଏବେ ତାଙ୍କରି ଦଳର ୨୪ ଜଣ ସାଂସଦ ବିରୋଧ କରିବା ଆରମ୍ଭ କରିଛନ୍ତି । ସେମାନେ ଇମ୍ରାନଙ୍କୁ ହଟାଇବାକୁ ଚାହୁଁଛନ୍ତି । ସେହିପରି ସହଯୋଗୀ ଦଳର କେତେକ ସାଂସଦ ମଧ୍ୟ ଇମ୍ରାନ ପାକିସ୍ତାନର ନେତୃତ୍ୱ ନିଅନ୍ତୁ ବୋଲି ଚାହୁଁନାହାନ୍ତି । ଏଭଳି ସମୟରେ କୁ୍ୟରେସୀ ସମସ୍ତଙ୍କୁ ଏକଜୁଟ କରିବାରେ ଲାଗି ପଡ଼ିଛନ୍ତି । ବିରୋଧୀଙ୍କୁ ଏକତ୍ରିତ କରି ସେ ତାଙ୍କ ସପକ୍ଷରେ ସ୍ଥିତି ମଜବୁତ କରିବାକୁ ଚାହୁଁଥିବା କୁହାଯାଉଛି । ଏମକୁ୍ୟଏମେ ପି ଦଳର ନେତା ଡାକ୍ତର ଖାଲିଦ ମକବୁଲ କହିଛନ୍ତିଯେ, ଇମ୍ରାନ ଖାନ ଆଉ କ୍ଷମତାରେ ନରହିବା ଭଳି ଅନୁଭବ ହେଉଛି ।
Comments ସମସ୍ତ ମତାମତ