Jun 4, 2023
ମୁଖ୍ୟ ଖବର
ନୂଆଦିଲ୍ଲୀ : ଆଇସିସି ମହିଳା ବିଶ୍ୱକପ ୨୦୨୨ରେ ଅଷ୍ଟ୍ରେଲିଆ ଟିମ ଚମତ୍କାର ପ୍ରଦର୍ଶନ କରିଛି । ଅଷ୍ଟ୍ରେଲୀୟ ଖେଳାଳୀ ମେଗ ଲାନିଂ ସର୍ବାଧିକ ୩୫୮ ରନ କରି ଆଗରେ ଥିବାବେଳେ ଏହା ପଛକୁ ରହିଛନ୍ତି ଦକ୍ଷିଣ ଆଫ୍ରିକୀୟ ଖେଳାଳୀ ଲୌରା ୱଲଭାରଡଟ । ସେ ୩୫୩ ରନ କରି ଏବେ ଲାନିଂଙ୍କୁ ଟକ୍କର ଦେଉଛନ୍ତି ।
ଅଷ୍ଟ୍ରେଲିଆର ରାଚେଲ ହାୟେନସ ୩୩୭ ରନ କରି ତୃତୀୟ ସ୍ଥାନରେ ଥିବାବେଳେ ଚତୁର୍ଥ ସ୍ଥାନରେ ରହିଛନ୍ତି ନ୍ୟୁଜିଲାଣ୍ଡର ସୋଫି ଡିଭାଇନ । ଯିଏକି ଟୁର୍ଣ୍ଣାମେଣ୍ଟରେ ୨୯୭ ରନ କରିବାରେ ସଫଳ ହୋଇଛନ୍ତି । ଆମ ଭାରତର ଖେଳାଳୀ ହରମନପ୍ରୀତ କୌର ୨୭୦ ରନ କରି ପଞ୍ଚମ ସ୍ଥାନରେ ରହିଛନ୍ତି ।
ଇଏତ ଗଲା ବ୍ୟାଟ୍ସମ୍ୟାନଙ୍କ କଥା । ବୋଲିଂରେ ଇଂଲଣ୍ଡର ସୋଫି ଏକଲେଷ୍ଟୋନ ୬ ମ୍ୟାଚରୁ ୧୧ଟି ୱିକେଟ ନେଇପାରିଛନ୍ତି । ଯେତେବେଳେକି ଦକ୍ଷିଣ ଆଫ୍ରିକାର ଆୟାବୋଙ୍ଗା ଖାକା ୧୦ଟି ୱିକେଟ ନେଇଛନ୍ତି । ଅପରପକ୍ଷରେ ୱେଷ୍ଟଇଣ୍ଡିଜର ହେଲି ମାଥ୍ୟୁସ ୧୦ଟି, ନ୍ୟୁଜିଲାଣ୍ଡର ଲି ତାହୁନୁ ୧୦ଟି, ଦକ୍ଷିଣ ଆଫ୍ରିକାର ମାରିଜାନେ କାପ ୧୦ଟି, ଭାରତର ପୂଜା ବସ୍ତ୍ରାକାର ୧୦ଟି ଓ ସ୍ନେହା ରାଣା ମଧ୍ୟ ୧୦ଟି ୱିକେଟ ନେବାରେ ସଫଳ ହୋଇଛନ୍ତି ।
Comments ସମସ୍ତ ମତାମତ