Oct 3, 2023
ମୁଖ୍ୟ ଖବର
ନୂଆଦିଲ୍ଲୀ : ଆଇସିସି ମହିଳା ବିଶ୍ୱକପର ଅଧିକାଂଶ ମ୍ୟାଚ ସରି ଯାଇଛି । ପଏଂଟ ଟେବୁଲ ଅନୁଯାୟୀ ଏବେ ସେମିଫାଇନାଲିଷ୍ଟ ଚୟନ କରାଯିବ । ଭାରତ ଏବେ ପଏଣ୍ଟ ଟେବୁଲର ଚତୁର୍ଥ ସ୍ଥାନରେ ରହିଥିବାବେଳେ ସର୍ବାଗ୍ରେ ରହିଛି ଅଷ୍ଟ୍ରେଲିଆ ।
ଅଷ୍ଟ୍ରେଲିଆ ଏଯାବତ ୬ଟି ମ୍ୟାଚ ଖେଳି ୬ଟିରେ ବିଜୟ ହେବା ସହ ୧୨ ପଏଂଟ ହାସଲ କରିଛି । ଦଳ ସେମିଫାଇନାଲ ଯିବା ଏକରକମ ନିଶ୍ଚିତ ହୋଇଯାଇଛି । ଅପରପକ୍ଷରେ ଦକ୍ଷିଣ ଆଫ୍ରିକା ୬ଟି ମ୍ୟାଚରୁ ୪ଟିରେ ବିଜୟୀ ହୋଇଥିବାବେଳେ ଗୋଟିଏରେ ପରାସ୍ତ ହୋଇଛି । ଦଳ ୯ ପଏଂଟ ପାଇ ଦ୍ୱିତୀୟ ସ୍ଥାନରେ ରହିଛି । ୱେଷ୍ଟଇଣ୍ଡିଜ ମହିଳା କ୍ରିକେଟ ଦଳ ତୃତୀୟ ସ୍ଥାନରେ ଥିବାବେଳେ ୭ ପଏଂଟ ପାଇଛି । ଦଳ ୭ଟି ମ୍ୟାଚରୁ ୩ଟିରେ ବିଜୟୀ ହୋଇଛି । ଅପରପକ୍ଷରେ ଇଂଲଣ୍ଡ ମହିଳା ଟିମ ୬ ମ୍ୟାଚରୁ ୩ଟିରେ ବିଜୟୀ ହୋଇ ୬ ପଏଂଟ ପାଇଥିବାବେଳେ ଚତୁର୍ଥ ସ୍ଥାନରେ ରହିଛି । ଭାରତ ମଧ୍ୟ ସମାନ ମ୍ୟାଚରୁ ସମାନ ୬ ପଏଂଟ ପାଇଥିଲେବି ଇଂଲଣ୍ଡର ରନରେଟ ଅଧିକ ରହିଥିବାରୁ ଭାରତ ପଞ୍ଚମ ସ୍ଥାନକୁ ଠେଲି ହୋଇଯାଇଛି । ନ୍ୟୁଜିଲାଣ୍ଡ ଟିମ ୬ ମ୍ୟାଚରୁ ୨ଟିରେ ବିଜୟୀ ହୋଇ ଷଷ୍ଠ ସ୍ଥାନରେ ରହିଛି । ଏହାପଛକୁ ବାଂଲାଦେଶ ଟିମ ଥିବାବେଳେ ସବାତଳେ ରହିଛି ପାକିସ୍ତାନ ।
Comments ସମସ୍ତ ମତାମତ