ନୂଆଦିଲ୍ଲୀ: ଆଜି ଦେଶର ଖାଲିଥିବା ୩ ଲୋକସଭା ଏବଂ ୩୦ ବିଧାନସଭା ଆସନରେ ଉପନିର୍ବାଚନ । ୧୪ଟି ରାଜ୍ୟ ଏବଂ ଗୋଟିଏ କେନ୍ଦ୍ରଶାସିତ ଅଞ୍ଚଳରେ ଚାଲିଛି ମତଦାନ ।
କୋଭିଡର ସମସ୍ତ ଗାଇଡଲାଇନ ଅନୁସାରେ ଉପନିର୍ବାଚନ ନେଇ ଭାରତୀୟ ନିର୍ବାଚନ କମିଶନ ଘୋଷଣା କରିଛନ୍ତି । ତେବେ କେନ୍ଦ୍ରଶାସିତ ଅଞ୍ଚଳ ଦାଦ୍ରାନଗର ହାବେଳି, ମଧ୍ୟ ପ୍ରଦେଶର ଖଣ୍ଡୱା ଏବଂ ହିମାଚଳ ପ୍ରଦେଶର ଗୋଟିଏ ଲୋକସଭା ଆସନର ଉପନିର୍ବାଚନ । ସେହିପରି ୩୦ ବିଧାନସଭା ଆସନ ମଧ୍ୟରୁ ୫ ଆସାମ, ୪ ପଶ୍ଚିମବଙ୍ଗ, ମଧ୍ୟପ୍ରଦେଶ, ହିମାଚଳ ପ୍ରଦେଶ, ମେଘାଳୟରୁ ୩, ବିହାର, କର୍ଣ୍ଣାଟକ ରାଜସ୍ଥାନରୁ ୨, ଆନ୍ଧ୍ର ପ୍ରଦେଶ, ହରିୟାଣା, ମହାରାଷ୍ଟ୍ର, ମିଜୋରାମ, ନାଗାଲାଣ୍ଡ ଏବଂ ତେଲେଙ୍ଗାନାରୁ ଗୋଟିଏ ଲେଖାଏଁ ଆସନରୁ ଉପନିର୍ବାଚନ ।ଆସନ୍ତା ନଭେମ୍ବର ୨ରେ ଭୋଟ ଗଣତି ପାଇଁ ନିର୍ବାଚନ କମିଶନ ଘୋଷଣା କରିଛନ୍ତି । ତେବେ କୋରୋନା, ବାତ୍ୟା, ଜଳବାୟୁ ପରିବର୍ତ୍ତନ ଆଦି ବିଭିନ୍ନ ଦିଗକୁ ଦୃଷ୍ଟିରେ ରଖି ଆଜିକୁ ଉପନିର୍ବାଚନ ଅନୁଷ୍ଠିତ ନେଇ ସ୍ପଷ୍ଟ କରିଥିଲେ ।
Comments ସମସ୍ତ ମତାମତ