Apr 19, 2024
ମୁଖ୍ୟ ଖବର
କଟକ: ସିଲଭର ସିଟିରେ ଇ-ଟଏଲେଟ ଆରମ୍ଭ । ମାତ୍ର ୧ ଟଙ୍କା ଦେବା ମାତ୍ରେ ଖୋଲିବ ଶୌଚଳାୟ କବାଟ । ବିଶେଷକରି ଏହି ସୁବିଧା ସର୍ବସାଧାରଣ ସ୍ଥାନରେ ଲଗାଇବା ପାଇଁ ଆରମ୍ଭ ହୋଇଛି ପ୍ରକ୍ରିୟା ।
ବୁଧବାର ମଧୁପାଟଣା ଏବଂ ଓଏମପି ଛକରେ ଆରମ୍ଭ ହୋଇଛି ଏହି ବ୍ୟବସ୍ଥା । ରାଜ୍ୟ ତଥା ରାଜ୍ୟ ବାହାରୁ ଏହି ଛକରେ ଅନେକ ଯାତ୍ରୀ ଗାଡି ପାଇଁ ଅପେକ୍ଷା କରି ରହୁଛନ୍ତି । ତେଣୁ ସେମାନଙ୍କ ସୁବିଧା ପାଇଁ ସିଏମସି ଓ ଏରମା ସଂସ୍ଥାର ମିଳିତ ଉଦ୍ୟମରେ ଏହି ଇ-ଶୌଚାଳୟ ବ୍ୟବସ୍ଥା କରାଯାଇଛି । ଏହାର ରକ୍ଷଣାବେକ୍ଷଣ ଦାୟିତ୍ୱ ସ୍ଥାନୀୟ ଏସଏସ ଗ୍ରୁପକୁ ହସ୍ତାନ୍ତର କରାଯାଇଛି । ତେବେ କଟକରେ ପୂର୍ବରୁ ଏହି ବ୍ୟବସ୍ଥା ନ ଥିବାରୁ ଲୋକେ ଅନେକ ଅସୁବିଧାର ସମ୍ମୁଖୀନ ହେଉଥିଲେ । ବର୍ତ୍ତମାନ ଏହି ସେବା ଆରମ୍ଭ ହେବା ପରେ ଆଉ ଅସୁବିଧାର ସମ୍ମୁଖୀନ ହେବାକୁ ପଡିବ ନାହିଁ ବୋଲି ସଭିଙ୍କ ଆଶା ।
Comments ସମସ୍ତ ମତାମତ