ଭୁବନେଶ୍ୱର : ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କ ଇନଷ୍ଟାଗ୍ରାମ ଆକାଉଂଟକୁ ପାକିସ୍ତାନର ଜଣେ ଯୁବକ ହ୍ୟାକ କରିଦେଇଥିଲେ । ତଦନ୍ତ ପରେ ଏହା ସ୍ପଷ୍ଟ ହୋଇଛି । ଏବେ ଅପରାଜିତାଙ୍କ ଇନଷ୍ଟା ଆକାଉଂଟ ସଚଳ ହୋଇଥିଲେବି ଏଥିରେ ବୈଷୟିକ ତ୍ରୁଟି ପରିଲକ୍ଷିତ ହୋଇଛି ।
ମିଳିଥିବା ସୂଚନା ଅନୁଯାୟୀ, ଗତ ମେ’ ୧୮ରେ ତାଙ୍କର ଇନଷ୍ଟାଗ୍ରାମ ଆକାଉଂଟ ହ୍ୟାକ ହୋଇଯାଇଥିଲା । ହ୍ୟାକ କରିବା ପରେ ହ୍ୟାକର ସେଥିରେ କେତେକ ତଥ୍ୟ ବଦଳାଇ ଦେଇଥିଲେ । ପ୍ରୋଫାଇଲରେ ପଲିଟିସିଆନ ବଦଳରେ କଳାକାର ବୋଲି ଉଲ୍ଲେଖ କରାଯାଇଥିଲା । ଏସମ୍ପର୍କରେ ଅପରାଜିତା ନିଜ ବନ୍ଧୁଙ୍କ ଜରିଆରେ ଜାଣିବା ପରେ ଦିଲ୍ଲୀ ଆଇଟି ଅଫିସରେ ଅଭିଯୋଗ କରିଥିଲେ । ଆଇଟି ବିଶେଷଜ୍ଞମାନେ ୨୪ ଘଂଟା ଭିତରେ ହ୍ୟାକର କବଳରୁ ଆକାଉଂଟକୁ ମୁକ୍ତ କରିଥିଲେ । ପରେ ଏହା ପାକିସ୍ତାନର ହ୍ୟାକରଙ୍କ କାରନାମା ବୋଲି ଜଣାପଡ଼ିଥିଲା । ସାଂସଦଙ୍କ ଆକାଉଂଟ ରିକଭରି ହୋଇଥିଲେବି ଏହାର ଭେରିଫାଏଡ଼ କ୍ଲିକ ଦେଖାଉନଥିବାବେଳେ ଫେସବୁକରେ ଭିଡ଼ିଓ ଅପଲୋଡ଼ ହେଉନଥିବା ଜଣାପଡ଼ିଛି ।
Comments ସମସ୍ତ ମତାମତ