Tags : modi

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଦିଲ୍ଲୀର ଇନ୍ଦିରା ଗାନ୍ଧୀ ଇଣ୍ଡୋର ଷ୍ଟାଡିୟମରେ ଜାତୀୟ ସଙ୍ଗୀତ ‘ବନ୍ଦେ ମାତରମ୍‌’ର ୧୫୦ତମ ବାର୍ଷିକୀ ପାଳନ ପାଇଁ ଆୟୋଜିକ ସ୍ୱତନ୍ତ୍ର କାର୍ୟ୍ୟକ୍ରମରେ ଯୋଗ ଦେଇଛନ୍ତି । ଏହି ଅବସରରେ ସାମୂହିକ ସଙ୍ଗୀତ ଗାନ କରାଯାଇଛି । ପ୍ରଧାନମନ୍ତ୍ରୀ ମୋଦୀ ଏହି ଅବସରରେ ଏକ ସ୍ମାରକୀ ଡାକଟିକଟ ଏବଂ ମୁଦ୍ରା ଉନ୍ମୋଚନ କରିଛନ୍ତି । ଏହି କାର୍ୟ୍ୟକ୍ରମ ଆନୁଷ୍ଠାନିକ ଭାବେ ୨୦୨୬ ନଭେମ୍ବର ୭ ତାରିଖ ପର୍ୟ୍ୟନ୍ତ ଦେଶବ୍ୟାପୀ ଉତ୍ସବ ଭାବେ ଚାଲିବ ।ଏହି କାର୍ୟ୍ୟକ୍ରମରେ ଯୋଗ ଦେଇ ପ୍ରଧାନମନ୍ତ୍ରୀ କହିଛନ୍ତି ଯେ ଜାତୀୟ ସଙ୍ଗୀତ ‘ବନ୍ଦେ ମାତରମ୍‌’ର ୧୫୦ତମ ବାର୍ଷିକ ଉତ୍ସବରେ ଯୋଗ ଦେବା ଅତ୍ୟନ୍ତ ଗର୍ବର କଥା । ଏହା ସହିତ ମୋଦୀ କହିଛନ୍ତି ଏପରି କୌଣସି ସଂକଳ୍ପ ନାହିଁ ଯାହା ପୂରଣ ହୋଇପାରିବ ନାହିଁ । ଏପରି କୌଣସି ଲକ୍ଷ୍ୟ ନାହିଁ ଯାହାକୁ ଆମେ ଭାରତୀୟମାନେ ହାସଲ କରିପାରିବା ନାହିଁ ।
‘ବନ୍ଦେ ମାତରମ୍‌’ ଏକ ମନ୍ତ୍ର, ଏକ ସ୍ୱପ୍ନ, ଏକ ସଂକଳ୍ପ ଏବଂ ଏକ ଶକ୍ତି । ଏହା ଭାରତ ମାତାଙ୍କ ନିକଟରେ ଏକ ପ୍ରାର୍ଥନା । ଏହା ଆମକୁ ଇତିହାସକୁ ଫେରାଇ ନେଇଯାଏ । ଏହା ଆମର ଭବିଷ୍ୟତକୁ ସାହସ ଦିଏ, ଏପରି କୌଣସି ସଂକଳ୍ପ ନାହିଁ ଯାହା ପୂରଣ ହୋଇପାରିବ ନାହିଁ । ଏପରି କୌଣସି ଲକ୍ଷ୍ୟ ନାହିଁ ଯାହାକୁ ଆମେ ଭାରତୀୟ ହାସଲ କରିପାରିବା ନାହିଁ । ଏହି ଉତ୍ସବରେ ସାର୍ବଜନୀନ ସ୍ଥାନରେ ‘ବନ୍ଦେ ମାତରମ୍‌’ ପୂର୍ଣ୍ଣ ସଂସ୍କରଣ ଗାନ କରାଯାଇଥିଲା । ମୁଖ୍ୟ କାର୍ୟ୍ୟକ୍ରମରେ ସମାଜର ସମସ୍ତ ବର୍ଗର ନାଗରିକମାନେ ଅଂଶଗ୍ରହଣ କରିଥିଲେ ।

ପ୍ରଧାନମନ୍ତ୍ରୀଙ୍କ କାର୍ୟ୍ୟାଳୟ ପକ୍ଷରୁ ଜାରି ଏକ ବିଜ୍ଞପ୍ତି ଅନୁଯାୟୀ, ୨୦୨୫ ମସିହାରେ “ବନ୍ଦେ ମାତରମ୍” ୧୫୦ ବର୍ଷ ପୂରଣ କରିବ। ବଙ୍କିମ ଚନ୍ଦ୍ର ଚାଟାର୍ଜୀଙ୍କ ଦ୍ୱାରା ଲିଖିତ ଜାତୀୟ ସଙ୍ଗୀତ “ବନ୍ଦେ ମାତରମ୍” ୭ ନଭେମ୍ବର ୧୮୭୫ ମସିହାରେ ଅକ୍ଷୟ ନବମୀର ପବିତ୍ର ଅବସରରେ ରଚିତ ହୋଇଥିଲା। “ବନ୍ଦେ ମାତରମ୍” ପ୍ରଥମେ ସାହିତ୍ୟ ପତ୍ରିକା “ବଙ୍ଗଦର୍ଶନ”ରେ ତାଙ୍କ ଉପନ୍ୟାସ “ଆନନ୍ଦମଥ” ର ଅଂଶ ଭାବରେ ପ୍ରକାଶିତ ହୋଇଥିଲା। ଏହି ଗୀତଟି ଶକ୍ତି, ସମୃଦ୍ଧି ଏବଂ ଦିବ୍ୟତାର ପ୍ରତୀକ ଭାବରେ ମାତୃଭୂମିକୁ ସ୍ମରଣ କରେ ଏବଂ ଏହା ଭାରତର ଏକତା ଏବଂ ଆତ୍ମସମ୍ମାନର ଜାଗ୍ରତ ଭାବନାକୁ କାବ୍ୟିକ ଅଭିବ୍ୟକ୍ତି ପ୍ରଦାନ କରେ। ଏହା ଶୀଘ୍ର ରାଷ୍ଟ୍ର ପ୍ରତି ସମର୍ପଣର ଏକ ସ୍ଥାୟୀ ପ୍ରତୀକ ହୋଇଗଲା।