ଭୁବନେଶ୍ୱର: ବାତ୍ୟା ‘ଅସାନି’ର ପ୍ରଭାବ ରାଜଧାନୀରେ ଅନୁଭୂତ ହୋଇଛି । ମଙ୍ଗଳବାର ସକାଳେ ଆକାଶ ମେଘୁଆ ରହିଥିବା ସାଙ୍ଗକୁ ବର୍ଷା ହୋଇଛି । ଭୁବନେଶ୍ୱରରେ ରାତି ୯ଟା ସୁଦ୍ଧା ୧୦.୫ ମିମି ବର୍ଷା ରେକର୍ଡ କରାଯାଇଛି । ସେପଟେ ବର୍ଷା ଯୋଗୁ କିଛି ଅଞ୍ଚଳରେ ପାଣି ଜମିଛି । ସକାଳୁ କୋହଲା ପାଗ ରହିଥିଲା । ସକାଳ ୯ଟା ବେଳେ ଖଣ୍ଡଗିରି ସମେତ ରାଜଧାନୀ କିଛି ଅଞ୍ଚଳରେ ଝିପିଝିପି ବର୍ଷା ହୋଇଥିଲା । ପ୍ରାୟ ଅଧଘଣ୍ଟ ଧରି ବର୍ଷା ହୋଇଥିଲା । ସନ୍ଧ୍ୟା ସାଢେ ପାଞ୍ଚଟା ବେଳକୁ ପୂର୍ବ ପଟୁ କଳାହାଣ୍ଡିଆ ମେଘ ଘୋଟିଆସିଲା । ଅଧଘଣ୍ଟା ଧରି ପୂରା ରାଜଧାନୀରେ ବର୍ଷା ଛେଚିଥିଲା ।
କଟକ ରୋଡ, ପୁରୁଣା ଭୁବନେଶ୍ୱର ସମେତ କିଛି ତଳିଆ ଅଞ୍ଚଳ ପାଣିରେ ବୁଡିଥିଲା । ତେବେ ଚିନ୍ତା ବଢାଇଛି ସ୍ୱେରେଜ ପ୍ରକଳ୍ପ । ଚାରିଆଡେ ବିଭାଗ ପକ୍ଷରୁ ଗାତ ଖୋଳିଲ ଦିଆଯାଇଛି । ଗାତଖୋଲି ରାସ୍ତାରେ ମାଟି ପକାଇବା ଦ୍ୱାରା କାଦୁଅ ଜମୁଛି । ଏଭଳି ଏକାଧିକ ଜାଗାରେ ସ୍ଥାନରେ ସ୍ୱେରେଜ ବିଭାଗ ପକ୍ଷରୁ ବଡ ବଡ ଗାତ ଖୋଳି ଦେବା ଦ୍ୱାରା ବିପଦ ସୃଷ୍ଟି ହୋଇଛି ।
Comments ସମସ୍ତ ମତାମତ 0